Za sutki ŭ milicyju paviedamili pra bolš za paŭtysiačy zvankoŭ ad machlaroŭ
Tolki za apošnija sutki ŭ milicyju pa ŭsioj Biełarusi pastupiła bolš za 500 paviedamleńniaŭ pra zvanki telefonnych ašukancaŭ. U vyniku zarehistravali 66 złačynstvaŭ, źviazanych z vykarystańniem internetu i inšych ličbavych technałohij, paviedamlaje pres-słužba MUS.
U vyniku byli pryniatyja nastupnyja miery:
- zabłakavali 18 fišynhavych sajtaŭ (padroblenyja internet-kramy, banki i servisy);
- spynili mahčymaść płaciažoŭ na 121 padazrony zamiežny rachunak;
- zamarozili apieracyi pa 78 bankaŭskich rachunkach.
Taksama byli zatrymanyja dva čałavieki, jakija vykonvali rolu kurjeraŭ u schiemach machlaroŭ. U ich kanfiskavali kala 70 tysiač rubloŭ.
Čaściej za ŭsio machlarstvy adbyvajucca praz tak zvany «višynh» — kali złačyncy telefanujuć i vydajuć siabie za słužbovych asob. Akramia taho, raspaŭsiudžanyja schiemy z padmanam pry pakupkach u internecie, praz sacyjalnyja sietki i pry «inviestycyjach» na finansavych płatformach.
U suviazi z hetym varta pamiatać:
- abiacańni lohkaha zarobku abo vielmi tannych tavaraŭ časta źjaŭlajucca padmanam;
- kali pastupaje padazrony zvanok, lepš adrazu spynić razmovu;
- pra takija vypadki treba paviedamlać u milicyju pa numary 102.
Ciapier čytajuć
«Praca prapahandystaŭ naŭrad ci čyściejšaja za našu». Eks-palitviaźni adkryli ŭ Varšavie svoj klininh — jak pajšło?6
«Praca prapahandystaŭ naŭrad ci čyściejšaja za našu». Eks-palitviaźni adkryli ŭ Varšavie svoj klininh — jak pajšło?
«Sojevyja ekstremisty pavinny adpracavać misku kłubnic». Skardziŭsia na ŭmovy pracy ŭ KDB, a ciapier uciuchvaje treninhi siłavikam — chto taki Anton Šabunievič1818
Kamientary