U krasaviku ŭ Minsku byŭ zarehistravany vypadak adru, zaviezieny z Rasii, paviedamili u Minskim haradskim centry hihijeny i epidemijałohii. Chvory čałaviek zaraziŭ jašče siemiarych.
U suviazi z mahčymaściu zanosu adru z susiednich krain sansłužba paviedamlaje, što ŭ sakaviku i krasaviku ŭ Łatvii zarehistravana vosiem vypadkaŭ zachvorvańnia na adzior, jakich letaś nie było (ŭ 2012-m było try vypadki).
Pavodle danych sansłužby, vypadki zanosu adru ŭ Biełaruś rehistrujucca štohod. U 2013 hodzie adzin žychar Minska zaraziŭsia va Ukrainie, druhi — u Rasii. Ad ich infiekcyja pieradałasia čatyrom čałaviekam, jakija znachodzilisia ź imi ŭ kantakcie. Akramia taho, u 2013 hodzie ŭ Minsku pierachvareła na adzior adno niepryščeplenaje dzicia, jakomu było mienš jak hod(vakcynacyja suprać adru pravodzicca ŭ Biełarusi z 12 miesiacaŭ, revakcynacyja –– u šeść hadoŭ).
Pavodle danych Suśvietnaj arhanizacyi achovy zdaroŭja, vypadki zachvorvańnia na adzior u 2013 hodzie byli zarehistravanyja ŭ 36 jeŭrapiejskich rehijonach, u cełym vyjaŭlena 31.617 chvorych. Bolš za ŭsio pacyjentaŭ z hetym dyjahnazam było ŭ Turcyi (7.386), Ukrainie (1.195), u Vialikabrytanii (1.900), Italii (1.222), Rasii (2.223) i Francyi (121).
Čaściej za ŭsio chvarejuć ludzi, jakim nie była zroblena pryščepka ad adru. Miedyki rekamiendujuć vakcynacyju suprać adru, jakaja stvaraje nadziejny imunitet; jon zachoŭvajecca bolš za 20 hadoŭ. U Minsku dla imunizacyi vykarystoŭvajucca kambinavanyja vakcyny, jakija źmiaščajuć u svaim składzie žyvyja vakcynavyja štamy virusaŭ adru, epidemičnaha paratytu i krasnuchi.
Adzior — vostraje infiekcyjnaje virusnaje zachvorvańnie, jakoje charaktaryzujecca ahulnaj intaksikacyjaj, vysokaj tempieraturaj, paškodžańniem ślizistych abałonak vačej, dychalnych šlachoŭ i supravadžajecca sypam. Krynica infiekcyi — chvory čałaviek. Kali čałaviek raniej nie chvareŭ na adzior i nie byŭ pryščepleny suprać hetaj infiekcyi, to paśla kantaktu z chvorym zaražeńnie adbyvajecca amal u 100% vypadkaŭ. Pieradača ŭzbudžalnika infiekcyi idzie pavietrana-kropielnym šlacham.
«Na rozdum dali paŭhadziny». Nastaŭnicy z Połacka daviałosia zvolnicca z-za tyktok-błoha2
Kamientary