Čałaviek, jaki skinuŭ Janukoviča, zaklikaŭ Majdan pierabracca na Uschod Ukrainy
Sotnik Uładzimir Parasiuk, jaki sa sceny Majdana 21 lutaha pahražaŭ Janukoviču ŭzbrojenym šturmam «Mižhorja», zaklikaŭ mitynhoŭcaŭ pakinuć Majdan Niezaležnaści ŭ Kijevie.
Pra heta jon skazaŭ Ukrinfarmu.
«Majdan nie aznačaje miesca ŭ centry Kijeva — Majdan staŭ ideałohijaj i zaklikam da dziejańniaŭ novaj ułady. Kab zaraz vykarystoŭvać Majdan jak miesca dla pražyvańnia, to ja suprać hetaha», — skazaŭ Parasiuk.
«Viadoma, ja nie maju paŭnamoctvaŭ skazać — idzicie źbirajcie pałatki… Kali ludzi tam ničoha nie robiać i jany nie kantralujuć uładu, nie aktyvizujucca, to im sapraŭdy treba raźjazdžacca pa chatach», — dadaŭ jon.
Jon pierakanany, što pratestoŭcy z Majdanu, jakija sapraŭdy chočuć baranić svaju dziaržavu, pavinny jechać u paŭdniova- ŭschodnija rehijony.
«Siadzieć na miescy i ničoha nie rabić — heta krychu niapravilna. Ja b kazaŭ tak: chto mocny i kryčyć, što choča vajavać i « dajcie mnie zbroju», to pryjazdžajcie ŭ Dnieprapiatroŭsk, Danieck abo Łuhansk, i budziecie abaraniać terytoryju dziaržavy», — skazaŭ Parasiuk.
Adnačasova jon adznačyŭ, što Majdan Niezaležnaści ŭ Kijevie — «heta sakralnaje miesca, dzie pamirali našy hieroi, i ni ŭ jakim razie jaho nielha rabić prajeznaj častkaj».
Jak viadoma, aktyvisty admaŭlajucca pakinuć Majdan — žadajuć «kantralavać uładu».
-
Dziavočnik u kosmasie. Zasnavalnik Amazon Džef Biezas adpraŭlaje niaviestu ŭ kosmas
-
«U Łukašenki byli dobryja nastaŭniki». Śviatłana Kurs praviała pa «Tuneli śmierci» Katynskaha muzieju
-
«Susiedziaŭ turbuje tolki aŭtarynak». Biełarus z Techasa raskazaŭ pra nastroi ŭ štacie, dzie «kožny sabaka za Trampa»
Kamientary