Andrej Makarevič daŭ zhodu na vykanańnie svaich piesień pa-biełarusku
Lidaru hurtu «Mašina vriemieni» pryjšlisia da spadoby pierakłady jaho piesień, jaki zrabiŭ biełaruski muzyka Jury Nieściarenka.
Muzyki sustrakalisia asabista, da hetaha Jury Nieściarenka dasłaŭ Andreju Makareviču niekalki biełaruskich pierakładaŭ tekstaŭ «Mašiny vriemieni», a potym jašče naśpiavaŭ i pakazaŭ jak jany hučać na našaj movie. «Vialikaja papularnaść Makareviča ŭ Biełarusi naohuł nievypadkovaja. U jaho ž jość henietyčnyja pryviazki da Biełarusi i pa baćkavaj, i pa matčynaj linii. I jon usurjoz zacikaviŭsia svaimi karaniami, pryjazdžaŭ u viosku Paŭłovičy na Biarozaŭščynu, adkul pachodzić jaho rod», – raspavioŭ Jury Nieściarenka partału Tuzin.fm. Jakraz cikavaść Makareviča da svaich biełaruskich karanioŭ i stała nahodaj dla pierakładu šerahu jaho piesień na biełaruskuju. Byli pieraasensavanyja «Śnieh», «Nie daj mnie ŭpaści», «Dzień hnievu», «Zorkam nia treba metro» dy inšyja tvory.
«Kaniečnie, abjektyŭna hetyja teksty Andrej Vadzimavič acanić nia moh, ale ŭvažliva aznajomiŭsia. I, što samaje hałoŭnaje, pačuŭ jak jany hučać. I daŭ dabro na ich vykanańnie i vykarystańnie. I navat sam prapanavaŭ praciah u vyhladzie vydańnia piesień», – kaža Jury.
Pierakłady Andreja Makareviča pa-biełarusku ŭvajšli ŭ «Antalohiju pierakładu rasiejskaj rok-paezii», jakaja pabačyła śviet u druhim numary časopisu «Dziejasłoŭ». Prezentacyja antalohii prajšła ŭ klubie «Hrafici» 3 červienia.
Ad pryvatnikaŭ patrabujuć zavieści ideołaha ŭ štacie — raspytali, što robiać kampanii18
Kamientary