Ananič: Maralnaja čyścinia žurnalista — samyja hałoŭnyja leki ad luboj «žaŭcizny»
«Maralnaja čyścinia žurnalista — samyja hałoŭnyja leki ad luboj «žaŭcizny», — zajaviła 10 červienia ŭ Minsku vykanaŭca abaviazkaŭ ministra infarmacyi Biełarusi Lilija Ananič padčas sustrečy z žurnalistami na dziaviatym miedyjaforumie ŭ Minsku.
«Sumlennaja, praŭdzivaja, ščyraja žurnalistyka siońnia jak nikoli patrebnaja krainam i narodam. Žurnalistyka, jakaja pracuje na stvareńnie, na kansalidacyju namahańniaŭ mižnarodnaj supolnaści ŭ vyrašeńni samych składanych zadač našaj sučasnaści», — skazała jana.
Na dumku Ananič, biełaruskija ŚMI pavinny pakazać prykład «vysokaj patryjatyčnaj žurnalistyki».
Taksama Ananič admoviłasia nazvać pretendentaŭ na pasadu ministra infarmacyi, zaklikaŭšy žurnalistaŭ da karektnaści.
Nahadajem, što na minułym tydni ministr Aleh Pralaskoŭski byŭ adpraŭleny ŭ adstaŭku.
Azaraŭ mocna pakryŭdziŭsia na słovy «psieŭdalidarki Cichanoŭskaj», što jaho Płan Pieramoha byŭ pamyłkaj32
Kamientary