Siońnia kiraŭnik praŭleńnia barysaŭskaha BATE Anatol Kapski raspaŭsiudziŭ sensacyjnuju infarmacyju pra adstaŭku hałoŭnaha trenera kamandy Ihara Kryvušenki.
Ihar Kryvušenka, jaki dvojčy pryvodziŭ BATE da čempijonstva (2006, 2007), ciapier budzie treniravać mienskaje «Dynama». Na dumku Anatola Kapskaha, Kryvušenka pavioŭ siabie nia vielmi karektna ŭ hetaj sytuacyi, nie paviedamiŭšy klubnamu kiraŭnictvu pra pieramovy z hieneralnym dyrektaram «Dynama» Jurjem Čyžom. A.Kapski skazaŭ, što Kryvušenku prapanavali ŭ «Dynama» bolšyja hrošy, a taksama paprasiŭ prabačeńni ŭ zaŭziataraŭ za toje, klubnamu kiraŭnictvu nie ŭdałosia ŭtrymać trenera.
Takim čynam, Ihar Kryvušenka stanie siamnaccatym hałoŭnym treneram mienskaha «Dynama» za apošnija vosiem hadoŭ. Za časy dyrektarstva ŭ «Dynama» Ju.Čyža nivodzin trener nia zmoh utrymacca ŭ svaim fateli za sezon. Na pasadzie «koŭča» «Dynama» Kryvušenka zamienić Alaksandra Chackieviča, jaki nia vykanaŭ zadačy na hety sezon, pryvioŭšy kamandu da finišu tolki na dzieviatym miescy. Nahadajem, što sioleta spaŭniajecca 25 hadoŭ, jak dynamaŭcy pieršy i apošni raz uziali załatyja medali čempijanatu SSSR.
U nastupnym sezonie BATE za saboj paviadzie 30‑hadovy Viktar Hančarenka. Šmat chto z futbalistaŭ siońniašniaha BATE starejšyja za novaha nastaŭnika.
Hančarenka praź ciažkuju traŭmu rana skončyŭ futbolnuju karjeru, paśla čaho zasiarodziŭsia na trenerskaj. Pracavaŭ z dublem BATE, apošnija hady byŭ namieśnikam Kryvušenki ŭ hałoŭnaj kamandzie. Uviesnu, kali ŭ Ihara Kryvušenki zdaryŭsia infarkt, Hančarenka kiravaŭ trenerskim pracesam u BATE. Pad jahonym kiraŭnictvam barysaŭskaja kamanda zakłała fundament dla ahulnaj pieramohi ŭ čempijanacie.
«Hienierał Biada vylecieŭ praz bakavoje škło «Čajki». Małaviadomaja avaryja 1976 hoda, u jakoj zahinuli druhi čałaviek u BSSR i bajavy lotčyk-hienierał33
Kamientary