Pavodle materyjałaŭ finansavaj milicyi ŭ Hłybokim raspačaty kryminalnyja spravy pa faktach iłžepradprymalnictva i machlarstva.
Jak paviedamiła pres-słužba Kamiteta dziaržaŭnaha kantrolu, u mai minułaha hoda hramadzianin zarehistravaŭ u rajcentry Viciebskaj vobłaści (Hłybokaje) jurydyčnuju asobu biez namieru ažyćciaŭlać statutnuju dziejnaść. Jon staviŭ metaj utojvańnie i zanižeńnie prybytku, dachodaŭ, inšych abjektaŭ padatkaabkładańnia, a taksama atrymańnie majomasnaj vyhady.
U kastryčniku 2013 hoda łžebiźniesmien, dziejničajučy ŭ składzie hrupy asob, jakaja mieła adziny namier zavałodać čužymi hrašyma, zaklučyŭ dahavor na pastaŭku miasnoj pradukcyi staličnamu aptaviku. Dahavor, jaki ŭjaŭny pradaviec i nie źbiraŭsia vykonvać, byŭ zaklučany pamiž hłybockaj «firmaj» i minskaj kamiercyjnaj strukturaj, jakaja śpiecyjalizujecca na aptovym handli miasnoj pradukcyjaj. U vyhladzie papiaredniaj apłaty za mifičny tavar «pastaŭščyk» atrymaŭ kala 190 młn. rubloŭ i rasparadziŭsia imi pa ŭłasnym mierkavańni. Takim čynam machlary zavałodali hrašovymi srodkami ŭ asabliva bujnym pamiery.
Pavodle materyjałaŭ Hłybockaha mižrajadździeła ŭpraŭleńnia departamienta finansavych rasśledavańniaŭ KDK pa Viciebskaj vobłaści rajonnaja prakuratura raspačata kryminalnyja spravy pa prykmietach składu złačynstva, praduhledžanaha č. 2 art. 234 (łžepradprymalnictva), č. 4 art. 209 (machlarstva) Kryminalnaha kodeksa.
Padazronyja zatrymanyja i aryštavanyja. Kanfiskavanyja bujnyja hrašovyja sumy i aŭtamabil, košt jakoha značna pieravyšaje aryštavanyja na rachunku łžestruktury 20 miljonaŭ rubloŭ.
Kamientary