Паводле матэрыялаў фінансавай міліцыі ў Глыбокім распачаты крымінальныя справы па фактах ілжэпрадпрымальніцтва і махлярства.
Як паведаміла прэс-служба Камітэта дзяржаўнага кантролю, у маі мінулага года грамадзянін зарэгістраваў у райцэнтры Віцебскай вобласці (Глыбокае) юрыдычную асобу без намеру ажыццяўляць статутную дзейнасць. Ён ставіў мэтай утойванне і заніжэнне прыбытку, даходаў, іншых аб'ектаў падаткаабкладання, а таксама атрыманне маёмаснай выгады.
У кастрычніку 2013 года лжэбізнесмен, дзейнічаючы ў складзе групы асоб, якая мела адзіны намер завалодаць чужымі грашыма, заключыў дагавор на пастаўку мясной прадукцыі сталічнаму аптавіку. Дагавор, які ўяўны прадавец і не збіраўся выконваць, быў заключаны паміж глыбоцкай «фірмай» і мінскай камерцыйнай структурай, якая спецыялізуецца на аптовым гандлі мясной прадукцыяй. У выглядзе папярэдняй аплаты за міфічны тавар «пастаўшчык» атрымаў каля 190 млн. рублёў і распарадзіўся імі па ўласным меркаванні. Такім чынам махляры завалодалі грашовымі сродкамі ў асабліва буйным памеры.
Паводле матэрыялаў Глыбоцкага міжрайаддзела ўпраўлення дэпартамента фінансавых расследаванняў КДК па Віцебскай вобласці раённая пракуратура распачата крымінальныя справы па прыкметах складу злачынства, прадугледжанага ч. 2 арт. 234 (лжэпрадпрымальніцтва), ч. 4 арт. 209 (махлярства) Крымінальнага кодэкса.
Падазроныя затрыманыя і арыштаваныя. Канфіскаваныя буйныя грашовыя сумы і аўтамабіль, кошт якога значна перавышае арыштаваныя на рахунку лжэструктуры 20 мільёнаў рублёў.
«Месячны плацеж пацягне на 340 рублёў». Што будзе ў Беларусі з мабільным інтэрнэтам?15
Каментары