Siońnia ŭ šviejcarskim Ńjonie projdzie losavańnie pieršych dvuch raŭndaŭ kvalifikacyi futbolnych Lihi čempijonaŭ. BATE — siejanaja kamanda — tradycyjna startuje z druhoha raŭndu.
Pierad losavańniem, dla zručnaści i chutkaści, kamandy raźbityja na try košyki.
BATE trapiŭ u pieršy košyk razam
z «Makabi» Tel-Aviŭ (Izrail), «Šeryfam» z Małdovy, «Maryboram» Słavienija, «Aktabe» Kazachstan.
Supiernikami hetych kamandaŭ mohuć stać:
«Dynama» Tbilisi (Hruzija), «Skanderbeŭ» (Ałbanija), «Zrynski» (Bośnija), «Sućjeska» (Čarnahoryja), a taksama
adzin ź pieramožcaŭ kvalifikacyi 1, dzie hulajuć kamandy z Fareraŭ, Andory, Armienii i navat debiutant z Hibrałtara.
Losavańnie — a 13-j pavodle minskaha času. Matčy 2-ha etapu projduć 15—16 i 22—23 lipienia.
Nahadajem, hod tamu BATE vylecieŭ akurat na hetym druhim etapie, prajhraŭšy kazachstanskamu «Šachcioru».
Siońnia taksama projdzie losavańnie kvalifikacyi Lihi Jeŭropy.
Minskaje «Dynama», salihorski «Šachcior» i hrodzienski «Nioman» startujuć z druhoha etapu.
Kamientary