Nadzieja Babkina vybačyłasia pierad žurnalistami za nieabdumany ŭčynak
Viadomaja narodnaja i estradnaja śpiavačka Nadzieja Babkina, pryjechaŭšy siońnia ranicaj u Viciebsk, pieršym čynam źbiehła ad natoŭpu žurnalistaŭ, jaki kinuŭsia da jaje. Siońnia na pres-kanfierencyi śpiavačka vybačyłasia za svoj nieabdumany ŭčynak.

Narodnaja artystka RSFSR pryjechała ŭ horad na Dźvinie kala 5-j ranicy. Nadzieja Hieorhijeŭna tolki sabrałasia stupić na pieron Viciebskaha vakzała, jak tut ža ciahnik akružyła presa. «Jak tolki ja heta ŭbačyła, zachacieła prajechać dalej. Mianie nichto nie papiaredziŭ, što takoje budzie. Ja ž artystka! A vyjšła — nie zrazumiej chto. Heta była niepryjemnaja situacyja, tamu ja paviarnułasia i pajšła», — sa skruchaj skazała śpiavačka. Pavodle jaje słoŭ, tak «drenna» z žurnalistami jana pastupiła ŭpieršyniu. A ŭsiamu vinoj akazałasia niežadańnie vykanaŭcy paŭstać pierad reparciorami ŭ nie zusim udałym vyhladzie. «Ja dumała, što ŭsio projdzie cicha. Pabiažym kupim biełaruskuju bializnu, ilnianyja abrusy, vyraby i pajedziem… Da takich siurpryzaŭ treba rychtavacca, čaho ja nie zrabiła», — skazała ŭžo nastrojenaja na razmovu śpiavačka.
Nadzieja Babkina pryjazdžaje na fiestyval u 17-y raz. Za hety čas joj davodziłasia vystupać na roznych placoŭkach, navat u miescach źniavoleńnia. «Raniej na forumie viarstałasia vialikaja prahrama. Udzielnik pavinien byŭ naviedać albo dziciačuju ŭstanovu, albo jakoje-niebudź pradpryjemstva i tak dalej. Byvała, što aŭdytoryja była ŭ miescach nie vielmi addalenych, — uspomniła jana. — Ja nie hatovaja zachaplacca takim znosinami, ale svoj doŭh vykanała». Tym nie mienš jana ličyć, što da «Słavianskaha bazaru» była prosta viadomaj, a dziakujučy viciebskamu forumu stała papularnaj.
Kamientary