U Ńju-Jorku źjaviłasia mabilnaja prahrama dla ŭładalnikaŭ sabak
Niezvyčajnaja prahrama dla mabilnych telefonaŭ była raspracavana na hetym tydni ŭ Ńju-Jorku. Jana dziejničaje pa pryncypie sajta znajomstvaŭ — tolki nie dla ludziej, a dla sabak.
«Doggy BnV» dapamahaje ŭładalnikam sabak, jakija žyvuć u adnym rajonie, znajści kampańjonaŭ dla pachodu na špacyr. Dla hetaha nieabchodna zarehistravacca ŭ prahramie, raźmiaściŭšy tam fatahrafiju svajho hadavanca z ukazańniem jaho parody, uzrostu, połu, vahi i inšaj infarmacyi.
«Mnohija ludzi saromiejucca padyści da inšych «sabačnikaŭ» u parku. Hetaja prahrama dapamahaje ŭładalnikam sabak chutka znajomicca adzin z adnym, paźbiahajučy takich niaspraŭnych momantaŭ», — raspavioŭ adzin z stvaralnikaŭ prahramy, 34-hadovy Den Džołdžyč.
Pry dapamozie «Doggy BnV» ńju-jorkcy mohuć taksama znajści čałavieka, jaki b pahadziŭsia dahledzieć žyviołu padčas ich adsutnaści. «Časta ludziam davodzicca admaŭlacca ad pajezdak z-za taho, što jany nie mohuć znajści «nianiu» dla svajho sabaki. Ciapier u ich takoj prablemy nie budzie», — rastłumačyŭ Džołdžyč. Haspadary sabak mohuć raźmiaścić u «Doggy BnV» paviedamleńnie z prośbaj pasiadzieć ź ich hadavancam i čakać, pakul chto-niebudź z tych sabakavodaŭ, chto žyvie pablizu, na jaho adhukniecca.
Prahrama źjaŭlajecca biaspłatnaj i pakul dastupnaja tolki dla ŭładalnikaŭ ajfonaŭ i ajpedaŭ. Adnak praź niekalki tydniaŭ joju zmohuć karystacca i ŭładalniki pryład na bazie sistemy Android.
Kamientary