У Нью-Ёрку з'явілася мабільная праграма для ўладальнікаў сабак
Незвычайная праграма для мабільных тэлефонаў была распрацавана на гэтым тыдні ў Нью-Ёрку. Яна дзейнічае па прынцыпе сайта знаёмстваў — толькі не для людзей, а для сабак.
«Doggy BnВ» дапамагае ўладальнікам сабак, якія жывуць у адным раёне, знайсці кампаньёнаў для паходу на шпацыр. Для гэтага неабходна зарэгістравацца ў праграме, размясціўшы там фатаграфію свайго гадаванца з указаннем яго пароды, узросту, полу, вагі і іншай інфармацыі.
«Многія людзі саромеюцца падысці да іншых «сабачнікаў» у парку. Гэтая праграма дапамагае ўладальнікам сабак хутка знаёміцца адзін з адным, пазбягаючы такіх няспраўных момантаў», — распавёў адзін з стваральнікаў праграмы, 34-гадовы Дэн Джолджыч.
Пры дапамозе «Doggy BnВ» нью-ёркцы могуць таксама знайсці чалавека, які б пагадзіўся дагледзець жывёлу падчас іх адсутнасці. «Часта людзям даводзіцца адмаўляцца ад паездак з-за таго, што яны не могуць знайсці «няню» для свайго сабакі. Цяпер у іх такой праблемы не будзе», — растлумачыў Джолджыч. Гаспадары сабак могуць размясціць у «Doggy BnВ» паведамленне з просьбай пасядзець з іх гадаванцам і чакаць, пакуль хто-небудзь з тых сабакаводаў, хто жыве паблізу, на яго адгукнецца.
Праграма з'яўляецца бясплатнай і пакуль даступная толькі для ўладальнікаў айфонаў і айпэдаў. Аднак праз некалькі тыдняў ёю змогуць карыстацца і ўладальнікі прылад на базе сістэмы Android.
Цяпер чытаюць
Мінчанка Ангеліна, якая выпрасіла ў Лукашэнкі кватэру за трайнят, упершыню паказала той падарунак15
Мінчанка Ангеліна, якая выпрасіла ў Лукашэнкі кватэру за трайнят, упершыню паказала той падарунак
«Чаму мы павінны неяк ушчэмліваць сябе?». Дырэктарка РТБД патлумачыла, чаму паставіла спектакль паводле Пушкіна ў адным з апошніх тэатраў краіны, які працаваў па-беларуску6060
Каментары