V.a. haradskoha hałavy Słavianska Alaksandr Samsonaŭ zatrymany ŭ ramkach kryminalnaj spravy pa fakcie stvareńnia niezakonnych uzbrojenych farmiravańniaŭ.
Pra heta ŭ aŭtorak paviedamiŭ načalnik departamienta ŭnutranaj biaśpieki MUS Valeryj Bodnar.
«Jon ciapier zatrymany i dastaŭleny ŭ horad Izium (Charkaŭskaja vobł.). Jamu inkryminujuć art. 260 KK Ukrainy (stvareńnie niepraduhledžanych zakonam vajenizavanych ci ŭzbrojenych farmiravańniaŭ)», — skazaŭ Bodnar.
Jon padkreśliŭ, što heta papiaredniaja kvalifikacyja. U chodzie praviadzieńnia śledčych dziejańniaŭ mohuć źjavicca inšyja kvalifikacyi.
Bodnar nie vyklučyŭ, što dasudovaje rasśledavańnie moža być pieradadziena ŭ prakuraturu ci SBU.
Jon udakładniŭ, što padstavaj dla pačatku kryminalnaj vytvorčaści stali šmatlikija skarhi žycharoŭ Słavianska na toje, što Samsonaŭ supracoŭničaje ź sieparatystami.
Jak paviedamlałasia, u Słaviansku bajcy śpiecbataljona MUS Kijeŭ-1 vyvieli Samsonava z zały, dzie prachodziła narada pa pytańni adnaŭleńnia žyćciadziejnaści haradoŭ, vyzvalenych ad členaŭ NVF, i źvieźli jaho.
Maładuju supracoŭnicu «Pielenha» aryštavali za «zakliki da naniasieńnia škody Biełarusi». Joj pahražaje da 12 hadoŭ3
Kamientary