«Biełavija» źmianiła maršruty palotaŭ u 8 haradoŭ z-za avijakatastrofy va Ukrainie
Avijakampanija «Biełavija» źmianiła maršruty palotaŭ u vosiem haradoŭ z-za avijakatastrofy Boeing 777 «Małajzijskich avijalinij» va ŭschodniaj Ukrainie. Pra heta paviedamiŭ namieśnik hienieralnaha dyrektara pa markietynhu i źniešnieekanamičnaj dziejnaści pradpryjemstva Ihar Čarhiniec.
Havorka idzie pra rejsy ŭ Tbilisi, Batumi, Kutaisi, Jerevan, Baku, Krasnadar, Ašchabad, Sočy. Razam z tym namieśnik kiraŭnika avijakampanii adznačyŭ: «Zatrymak, źviazanych sa spynieńniem palotaŭ praz pavietranuju prastoru ŭschodniaj Ukrainy, u «Biełavija» nie adbyvajecca. Pakul usio narmalna».
Jak paviedamlałasia, «Biełavija» źmianiła maršruty samalotaŭ, jakija latali praz uschodniuju Ukrainu, kab zabiaśpiečyć biaśpieku pasažyraŭ.
Paloty nad astatniaj častkaj susiedniaj krainy dazvoleny dla ŭsich avijakampanij. Biełaruski avijapieravozčyk praciahvaje vykonvać paloty ŭ mižnarodny aeraport Baryspal (Kijeŭ) zhodna z raskładam dvojčy ŭ dzień.
Ciapier čytajuć
Ad pryvatnikaŭ patrabujuć zavieści ideołaha ŭ štacie — raspytali, što robiać kampanii18
Kamientary