Sud u Biškieku zavočna asudziŭ byłoha prezidenta Kyrhyzstana Kurmanbieka Bakijeva, jaki źbieh z krainy ŭ Minsk, da pažyćciovaha źniavoleńnia z kanfiskacyjaj majomaści.
Kurmanbiek Bakijeŭ pryznany vinavatym u saŭdziele ŭ arhanizacyi masavaha zabojstva 7 krasavika 2010. Pa anałahičnym abvinavačvańni da takoha ž terminu ŭ listapadzie 2013 h. byŭ prysudžany małodšy brat byłoha prezidenta, były načalnik Słužby dziaržachovy Žanybiek Bakijeŭ.
Akramia taho, zavočna da pažyćciovaha źniavoleńnia z kanfiskacyjaj majomaści za saŭdzieł u arhanizacyi zabojstva asudžany i były premjer-ministr krainy Danijar Usienaŭ.
U krasaviku 2010 hoda niekalki tysiač prychilnikaŭ kirhizskaj apazicyi vyjšli na mitynh na centralnuju płošču Biškieka. Častka ź ich pasprabavała prarvacca na terytoryju Doma ŭrada. Vajskoŭcy adkryli ahoń pa mitynhoŭcam, u vyniku 77 čałaviek byli zabityja i 360 atrymali ranieńni.
19 krasavik 2010 hoda Bakijeŭ razam ź nieaficyjnaj žonkaj i dvuma dziećmi prybyŭ u Biełaruś na zaprašeńnie Łukašenki.
Novyja ŭłady Kyrhyzstana nieadnarazova źviartalisia ŭ Hienprakuraturu Biełarusi z prośbaj ab vydačy Bakijeva, ale kožny raz atrymlivali admovu. Na dumku biełaruskich uładaŭ, pravavych pryčyn vydačy byłoha prezidenta niama.
Sam ža Bakijeŭ jašče letaś zajaviŭ, što źjaŭlajecca hramadzianinam Biełarusi z 2010 hoda i zhodna z zakanadaŭstvam ekstradycyi nie padlahaje.
Čytajcie taksama:
Atunbajeva: Bakijeva vypuścili z Kyrhyzstana na prośbu troch prezidentaŭ
Bakijeva asudzili na 25 hadoŭ za zamach na zabojstva brytanca
Bakijeŭ: Ja hramadzianin Biełarusi z 2010 hoda
Minsk nie źbirajecca vydavać Kyrhyzstanu Bakijeva, bo jon hramadzianin Biełarusi
«Ludziej prymušali dumać, što ničoha nikoli nie źmienicca». Chto taki antykamunist Łasła Krasnaharkai, jaki atrymaŭ Nobieleŭskuju premiju pa litaratury?99
Kamientary