Siońnia na stadyjonie «Traktar» u Minsku adbyŭsia pieraniesieny matč 19-ha tura čempijanata Biełarusi pa futbole. «Dynama» prymała BATE.
Da hulni favarytam i lidaram padyšli minčuki, jaki apiaredžvali barysaŭcaŭ na dva punkty, a jašče adnu hulniu mieli ŭ zapasie. U vypadku pieramohi pieravaha «Dynama» mahło b patencyjna skłaści zusim nieprystojnyja vosiem punktaŭ.
Inicyjatyvaj u hulni vałodali haspadary. Ale narešcie ŭpeŭniena zhulaŭ bramnik barysaŭcaŭ Siarhiej Černik, jaki niekalki razoŭ vyratavaŭ kamandu. U paślamatčavym intervju trenier BATE Alaksandr Jermakovič skazaŭ, što jany nie płanavali hulać druhim numaram.
U siaredzinie pieršaha tajma BATE niečakana zabiŭ. Padača vuhłavoha ŭ vykanańni Siarhieja Kryŭca skončyłasia dakładnym udaram hałavoj Michaiła Hardziejčuka. Paŭabaronca nie zabivaŭ ź viasny, kali atrymaŭ traŭmu.
Druhi hoł byŭ zabity ŭ samaj kancoŭcy pieršaj pałovy hulni. Znoŭ adznačyŭsia Siarhiej Kryviec, jaki ŭdaryŭ pa varotach. Hutar adbiŭ miač pierad saboj, a Illa Aleksijevič dabiŭ pradmiet hulni ŭ varoty – 2:0.
U druhim tajmie chutčej BATE moh rabić lik bujnym (naprykład, Radzivonaŭ trapiŭ u štanhu), čym «Dynama» adyhracca.
Ciapier BATE vyjšaŭ na pieršuju pazicyju ŭ tablicy, na adzin punkt apiaredziŭšy «Dynama», ale minčuki ŭsio adno majuć matč u zapasie.
«Ludziej prymušali dumać, što ničoha nikoli nie źmienicca». Chto taki antykamunist Łasła Krasnaharkai, jaki atrymaŭ Nobieleŭskuju premiju pa litaratury?99
Kamientary