Śledčy kamitet vynies pastanovu ab zatrymańni Hanny Šarejki.
Jak paviedamiŭ pradstaŭnik Śledčaha kamiteta Siarhiej Kabakovič, vyniesiena pastanova pra zatrymańnie dyrektara Viciebskaj brojlernaj ptuškafabryki, jakaja źjaŭlajecca členam savieta respubliki.
«U suviazi z tym, što hetaja słužbovaja asoba źjaŭlajecca členam savieta respubliki i karystajecca deputackaj niedatykalnaściu, materyjały, jakija dakazvajuć jaje datyčnaść da ździajśnieńnia supraćpraŭnaha dziejańnia, byli pradstaŭleny ŭ vyznačanym paradku na pazačarhovuju siesiju savieta respubliki», - adznačyŭ Kabakovič.
Adrazu pala hetaha adbyłosia zatrymańnie.
Pazačarhovaja siesija prachodziła 14 žniŭnia.
Dyrektaram Viciebskaj brojlernaj ptuškafabryki źjaŭlajecca Hanna Šarejka. Jaje vinavaciać u złoŭžyvańni słužbovymi paŭnamoctvami.
Hanna Šarejka naradziłasia ŭ 1960 hodzie ŭ v. Antopalje Čašnickaha rajona Viciebskaj vobłaści. Skončyła Viciebski vieterynarny instytut, Usierasijski navukova-daśledčy i technałahičny instytut ptuškahadoŭli. Kandydat sielskahaspadarčych navuk.
Pracavała ŭ saŭhasie «Ślidčany» Čašnickaha rajona, u abjadnańni «Biełsialhastechnika». Karjeru na Viciebskaj brojlernaj ptuškafabrycy pačała z pasady apieratara.
Uznaharodžana ordenam Pašany, miedalom «Za pracoŭnyja zasłuhi». Pieramožca respublikanskaha konkursu «Žančyna hoda-2008» u naminacyi «Za vysoki prafiesijanalizm».
Źjaŭlałasia členam pastajannaj kamisii savieta respubliki pa mižnarodnych spravach i nacyjanalnaj biaśpiecy. U členy SR piataha sklikańnia vyłučałasia ad Viciebskaha, Haradockaha, Dubrovienskaha i Loźnienskaha rajonaŭ.
Abirałasia ŭ saviet respubliki i čaćviortaha sklikańnia.
Ciapier čytajuć
Raptoŭna pamior Uładzimir Usier — niemałady aktyvist, jaki ŭlapaŭsia ŭ film BT i špijanaž u Polščy29
Kamientary