Minharvykankam prapanuje pryciahvać da administracyjnaj adkaznaści samich rabotnikaŭ za parušeńnie norm zakanadaŭstva pa achovie pracy, paviedamiŭ na pres-kanfierencyi 27 žniŭnia pieršy namieśnik staršyni kamiteta pa pracy, zaniataści i sacyjalnaj abaronie Minharvykankama Dzianis Kapitan.
Pavodle jaho słoŭ, takaja inicyjatyva źviazana z tym, što ŭ bolšaści vypadkaŭ, pavodle statystyki, u atrymańni traŭmy vinavaty sam paciarpieły.
Prapanova pa ŭniasieńni źmianieńniaŭ u Kodeks ab administracyjnych pravaparušeńniach pieradadziena ŭ Saviet ministraŭ. «Heta norma dazvolić zacikavić nie tolki administracyju pradpryjemstvaŭ i arhanizacyj, ale i samich rabotnikaŭ vykonvać normy zakanadaŭstva pa achovie pracy, užyvać srodki abarony padčas pracy i pravilnym čynam arhanizoŭvać svajo pracoŭnaje miesca», — ličyć Kapitan.
Pavodle jaho słoŭ, pakul pavodle norm KoAP administracyjnuju adkaznaść za parušeńnie norm zakanadaŭstva pa achovie pracy niasuć adkaznyja asoby, u tym liku kiraŭniki. Rabotnika možna pryciahnuć tolki da dyscyplinarnaj adkaznaści pa rašeńni najmalnika.
«Nahlad za zakanadaŭstvam ab achovie pracy i pracoŭnym zakanadaŭstvam uskładzieny na departamient dziaržaŭnaj inśpiekcyi achovy pracy, u jakim pracujuć dziaržaŭnyja inśpiektary. My ličym, što mienavita im možna dać prava składać pratakoły na rabotnikaŭ, jakija parušyli normy achovy pracy», — paviedamiŭ pieršy namieśnik staršyni kamiteta.
Ciapier čytajuć
Ad pryvatnikaŭ patrabujuć zavieści ideołaha ŭ štacie — raspytali, što robiać kampanii7
Kamientary