Staražytnajehipieckuju statuju Śfinksa na płato Hiza pad Kairam zakryli na restaŭracyju. Na praciahu dvuch miesiacaŭ jamu treba prajści kurs prafiłaktyčnych i techničnych rabot.
Ramontnyja pracy na abjekcie vykonvajucca ŭpieršyniu z 2006 hoda. Jak paviedamiŭ ministr pomnikaŭ staražytnaści i kulturnaj spadčyny Mamduch ad-Damaci, śpiecyjalistam treba pravieści ačystku tułava Śfinksa ad solaŭ, zhubny ŭpłyŭ jakich pastajanna pahražaje cełasnaści pomnika, a taksama pravieryć stan pradzimanaj pustelnymi viatrami statui ŭ cełym, pakolki rehularnaje ŭździejańnie na pomnik piasčynak moža niehatyŭna adbicca na jaho tryvałaści. Buduć taksama ŭmacavanyja najbolš uraźlivyja častcy mifičnaj istoty — hrudzi i šyja. Jak i ŭ minułyja restaŭracyi, na «balučyja miescy» Śfinksa budzie naniesieny rastvor niahašanaj vapny, jakaja ź ciaham času budzie tolki ŭmacoŭvacca, pieratvarajučysia, dziakujučy ŭzajemadziejańniu z vuhlakisłym hazam, jaki źmiaščajecca ŭ pavietry, u nierastvaralny karbanat kalcyja.
Akramia taho, dadaŭ ministr, nieabchodna pravieryć i adramantavać sistemu aśviatleńnia abjekta. Restaŭracyja adnaho z samych staražytnych pomnikaŭ na Ziamli ažyćciaŭlajecca, u siarednim, kožnyja 8-10 hadoŭ.
Hihanckaja statuja ź ciełam lva i hałavoj čałavieka siadzić pierad Vialikimi piramidami Hiza, hledziačy ź Jehipta na Uschod ŭzdoŭž tryccataj paraleli. Jana vysiečana z vapniakovaha manalitu, jaki ŭtvaraje skalnuju asnovu płato Hizy, i maje pamiery 72 mietra ŭ daŭžyniu, 11,5 mietra ŭ plačach i 20 mietraŭ u vyšyniu. Aficyjna ličycca, što ŭzrost «baćki žachu» nabližajecca da 5 tys hadoŭ, i adnosicca jon da IV dynastyi faraonaŭ. Adnak u tekstach Staražytnaha carstva niama anivodnaj zhadki pra jaho, i mnohija navukoŭcy ličać, što Śfinks značna starejšy za sami piramidy. Da takoj vysnovy daśledčyki pryjšli paśla taho, jak u 1988 hodzie japonskija daśledčyki z dapamohaj rechałakataraŭ pakazali, što apracavany kamień skulptury značna starejšy za ŭzrost błokaŭ piramid. Akramia taho, praviedzienyja ŭ pačatku 90-ch hadoŭ hidrałahičnyja daśledavańni vyjavili ślady erozii ad mahutnaha patoku vady la asnovy pastamienta statui, i brytanskija hieafiziki acanili ŭzrost erozii ŭ 10-12 tysiačahodździaŭ.
Bolš za toje, elektronnaja aparatura pakazała najaŭnaść pad levaj łapaj kamiennaj statui vuzkaha tunelu, jaki viadzie da piramidy Chiefrena. Jon pačynajecca na hłybini dvuch mietraŭ i sychodzić nachilna ŭniz. Dalej prasačyć jaho chod akazałasia niemahčyma z-za adsutnaści na dadzieny momant nieabchodnaha dla takich daśledavańniaŭ abstalavańnia. Pavodle niekatorych hipotez, u tearetyčna isnujučych padziemnych halerejach pad pomnikam moža znachodzicca biblijateka, jakaja ŭtrymlivaje sapraŭdnyja viedy ab śvietabudovie i historyi ŭźniknieńnia čałaviectva. Adnak sapraŭdnaje pryznačeńnie mifičnaj istoty navuka rastłumačyć pakul nie moža, a značyć, zahadku Śfinksa jašče tolki treba budzie raskryć budučym pakaleńniam.
«Čamu ja pavinien dakazvać, što nie darmajed?» Pradprymalnika z Homiela pamyłkova zapisali ŭ niezaniatyja — jon daviedaŭsia tolki paśla vializnych rachunkaŭ za kamunałku16
Kamientary