U studzieni—lipieni Biełaruś nakiravała ŭ rasijski biudžet bolš za 2 młrd. dołaraŭ u vyhladzie naftapošlin.
U paraŭnańni z anałahičnym pieryjadam minułaha hoda abjom biełaruskich naftapošlin, što pieraličvajucca ŭ rasijski biudžet, źniziŭsia amal na 8%. Za siem miesiacaŭ hetaha ŭ rasijski biudžet nakiravana ŭ vyhladzie vyvaznych pošlin na naftapradukty 2 młrd. 39 młn. dołaraŭ, u tym liku ŭ lipieni — 270,2 młn. dołaraŭ.
U červieni Biełaruś pieraličyła ŭ rasijski biudžet naftapošlin na 261,4 młn. dołaraŭ, u mai — 290,6 młn. dołaraŭ, u krasaviku — 311 młn. dołaraŭ, u sakaviku — 302,7 młn. dołaraŭ, u lutym — 296,5 młn. dołaraŭ, u studzieni — 306,7 młn. dołaraŭ.
Treba adznačyć, što ŭ studzieni—lipieni ŭ paraŭnańni z anałahičnym pieryjadam 2013 hoda abjom biełaruskich naftapošlin, pieraličanych u rasijskich biudžet, niekalki źniziŭsia (na 175,2 młn. dołaraŭ, ci na 7,9%). Heta moža być abumoŭlena niekatorym źmianšeńniem ekspartu biełaruskich naftapraduktaŭ (fizičnyja abjomy pastavak skaracilisia na 3,5%), a taksama pavieličeńniem na čverć ekspartu naftapraduktaŭ u Rasiju (pry pastaŭkach paliva na rasijski rynak Biełarusi nie treba płacić ekspartnuju pošlinu ŭ biudžet Rasii).
Biełaruś pieraličvaje ŭ rasijski biudžet vyvaznyja mytnyja pošliny na naftapradukty, vyrablenyja z rasijskaj nafty i ekspartavanyja za miežy Mytnaha sajuza. U 2013 hodzie Biełaruś pieraličyła ŭ rasijski biudžet u vyhladzie vyvaznych pošlin na naftapradukty 3,3 młrd. dołaraŭ.
Zhodna z acenkami ekanamistaŭ Suśvietnaha banka, pieraličeńnie Biełaruśsiu naftapošlin u rasijski biudžet admoŭna ŭpłyvaje na stan płaciežnaha bałansu krainy.
Ciapier čytajuć
Žančyny ŭ achovie i braniavany kartež. Jak Ukraina arhanizavała biaśpieku vizitu Cichanoŭskaj u Kijeŭ7
Kamientary