Jeŭrapiejski bank rekanstrukcyi i raźvićcia (JEBRR) vydzieliŭ kredyt terminam na siem hadoŭ ZAT «Minski zavod biezałkaholnych napojaŭ» na madernizacyju abstalavańnia, abnaŭleńnie aŭtaparka i restrukturyzacyju isnaha doŭhu, paviedamlaje pres-słužba JEBRR.
«Pazyka ŭ 10 młn jeŭra nie tolki prafinansuje inviestycyjnuju prahramu zavoda, ale taksama budzie spryjać ustanaŭleńniu novych norm karparatyŭnaha kiravańnia i dziełavych pavodzin u Biełarusi», — adznačajuć u banku.
Padčas pieramoŭ ab vydzialeńni kredytu, jakija zaviaršylisia padpisańniem adpaviednaha pahadnieńnia, pradstaŭniki zavoda zajavili pra namier pierajści ad miascovych da mižnarodnych standartaŭ aŭdytu i ŭžo naniali adnu ź viadučych mižnarodnych aŭdytarskich firm dla padrychtoŭki nieabchodnaj dakumientacyi, paviedamlaje pres-słužba.
Minski zavod biezałkaholnych napojaŭ byŭ stvorany ŭ 1966 hodzie. U 1995 hodzie staŭ zakrytym akcyjaniernym tavarystvam. Na zavodzie pracuje bolš za 700 čałaviek.
Kamientary