Zachodnija krainy rychtujucca zrabić bolš žorstkim režym sankcyj suprać Rasii z-za palityki Maskvy ŭ adnosinach da Ukrainy.
Na hety raz sankcyi raspaŭsiudziacca na rasijskuju abaronnuju pramysłovaść, dziaržaŭnyja banki, enierhietyčny siektar i nabližanych prezidenta Pucina.
Pradstaŭnik urada Vialikabrytanii zajaviŭ, što ES i ZŠA abvieściać pra novyja sankcyi ŭ piatnicu. «My praciahniem akazvać cisk na Pucina z tym, kab prymusić jaho sieści za stoł pieramovaŭ i pakinuć pole boju», — skazaŭ jon.
Prezident Francyi Fransua Ałand paviedamiŭ, što jeŭrapiejskija lidary abvieściać pra novyja sankcyi ŭ piatnicu «i prymieniać i kali nie budzie dasiahnuta nijakaha prahresu, ale ŭsio zaležyć ad taho, što adbudziecca ŭ bližejšyja hadziny».
Prezident Ukrainy Piatro Parašenka zajaviŭ, što damoŭlenaść ab spynieńni ahniu moža być dasiahnuta ŭ piatnicu.
Pa słovach Parašenki, usio zaležyć ad vynikaŭ pieramovaŭ u Minsku, jakija projduć u Prezident-hateli, pamiž pradstaŭnikami Ukrainy, Rasii, ABSIE i sieparatystaŭ z uschodu Ukrainy.
ŚMI paviedamlajuć, što sami sieparatysty zajaŭlajuć, što abvieściać pra spynieńnie ahniu ŭ 14:00, kali ŭ Minsku budzie dasiahnuta damoŭlenaść ab mirnym urehulavańni.
Kamientary