Trenier Viačasłaŭ Hrozny: Pazbavić Rasiju ČS? Spadary jeŭrapiejcy, lepš uviadzicie vojski
Nie treba bałbatać i kazać pra toje, što budzie u 2018 hodzie i ci buduć rasijskija kłuby vystupać u jeŭrakubkach. Treba pierajści kankretna da vajennaj dapamohi, pradastaŭleńnia zbroi, zakryćcia miežaŭ, ličyć ukrainski futbolny trenier, zasłužany trenier Ukrainy i Rasii Viačasłaŭ Hrozny.
Pazbavić Rasiju prava na praviadzieńnie Čempijanatu śvietu i vyhnać jaje ź FIFA i UEFA?! Nie śmiašycie mianie. «Hazprom» — sponsar Lihi čempijonaŭ. Hetaha nikoli nie adbudziecca, skazaŭ zasłužany trenier pa futbole Viačasłaŭ Hrozny.
«Ja mała vieru ŭ efiektyŭnaść tych mier, jakija źjaŭlajucca hałasłoŭnymi. Hetyja miery nie abaraniajuć našych patryjotaŭ i našu krainu ad vajny, zabojstvaŭ i teraryzmu. Treba pierajści kankretna da vajennaj dapamohi, pradastaŭleńnia zbroi, zakryćcia miežaŭ. Nie treba bałbatać i kazać ab tym, što budzie u 2018 hodzie i ci buduć rasijskija kłuby vystupać u jeŭrakubkach. u nas z-za hetaj bałbatni i pustazvonstva hinuć ludzi», — skazaŭ Hrozny.
Trenier ličyć, što ekanamičnyja prefierencyi dla šerahu krain akazvajucca bolš značnymi, čym realnaja pahroza ŭsiamu śvietu. «I Hiermanija, i Francyja viedajuć, što idzie vajna i čyje vojski na našaj terytoryi, ale jany chavajuć hałavu ŭ piasok i kažuć, što» my Rasiju čahości tam pazbavim ŭ dalokim 2018 hodzie». Heta nielha mianiać na žyćcio ludziej! Spadary jeŭrapiejcy, nam užo drenna, lepš uviadzicie vojski i dapamažycie nam», — zajaviŭ Hrozny.
«My patryjoty i my ŭsio roŭna abjadnajemsia i pieramožam! Nijakich «navarosij» i inšych «biesaŭ» nie budzie», — padsumavaŭ jon.
Ciapier čytajuć
Pra Miełkaziorava ŭ jaho apošni dzień: «Było adčuvańnie, što jon stomleny, brakuje enierhii, rysy tvaru byli zapałyja»5
Kamientary