Rašeńnie pra novyja sankcyi Jeŭrapiejskaha sajuza suprać Rasiei, pryniatyja na minułym tydni, nie budzie aficyjna apublikavana i, adpaviedna, nie nabudzie siłu, pakul ŭschodzie Ukrainy doŭžycca pieramirje.
Pra heta «Ukrainskaj praŭdzie» na ŭmovach ananimnaści paviedamiŭ infarmavany pradstaŭnik Jeŭrakamisii.
«Los hetych sankcyj u značnaj stupieni zaležyć ad prezidenta Parašenka. Kali jon ličyć mahčymym zaklučeńnie mirnaha pahadnieńnia i spynieńnia bajavych dziejańniaŭ na ŭschodzie Ukrainy, to Jeŭrasajuz taksama pojdzie šlacham pamianšeńnia vastryni sankcyj i pakul nie budzie ŭvodzić ich u dziejańnie», — rastłumačyŭ čynoŭnik.
Jeŭrapiejskija čynoŭniki ličać parušeńni pieramirja pakul małaznačnymi. Prynamsi, pakul aficyjny Kijeŭ taksama tak ličyć.
Pa słovach jeŭrapiejskaha čynoŭnika, «šlach da pieramirja vielmi składany, a tamu my nie budziem reahavać z parušeńniaŭ asobnych kamandziraŭ. Dla nas važna, što ŭkrainskaja ŭłada pryznaje hetaje pieramirje», — rastłumačyŭ jon.
Publikacyja rašeńnia ab novych sankcyjach adbudziecca, kali ŭkrainski bok abvieścić ab spynieńni pieramirja.
Rašeńnie ab uviadzieńni sankcyj prymajecca na ŭzroŭni krain Jeŭrasajuza. U minułuju piatnicu sankcyi byli padtrymany kansensusam. Adnak prynamsi čatyry krainy ŭčora zabłakavali ŭviadzieńnie sankcyj u dziejańnie.
Ciapier čytajuć
18‑hadovaha chłopca abvinavacili ŭ admaŭleńni hienacydu biełaruskaha naroda20
Kamientary