Sacyjołahi ličać, što heta šmat u čym źviazana z dałučeńniem Kryma.
Rasiejcy siońnia, jak nikoli za apošnija hady, pazityŭna aceńvajuć situacyju ŭ krainie i ŭ svaim najbližejšym asiarodździ. Pra heta śviedčyć apublikavanaje ŭ čaćvier daśledavańnie Usierasijskaha centra vyvučeńnia hramadskaj dumki (UCDHM).
Dola tych, chto daje pazityŭnyja acenki situacyi, jakaja skłałasia ŭ krainie, sumarna składaje 83%, a niehatyŭnyja acenki — tolki 15%.
U pačatku 2014 hetyja ličby składali 71% i 23% adpaviedna. U 2010 hodzie stanoŭčyja acenki davali 62% respandentaŭ, a admoŭnyja — 31%.
Palapšajecca taksama acenka rasiejcami stanovišča ŭ svaim rehijonie, horadzie, siamji i acenka asabistaj situacyi. Indeksy, jakija adlustroŭvajuć heta, dasiahnuli samych vysokich značeńniaŭ z pačatku takich daśledavańniaŭ piać hadoŭ tamu.
«Rost indeksaŭ idzie z pačatku hoda vialikimi tempami», — adznačyła kiraŭnik prajektaŭ UCDHM Julija Baskakava. «Pryroda hetaha pierš za ŭsio źviazana z padziejami ŭ Krymie», — ličyć jana.
«U roście indeksaŭ prajaŭlajecca pavyšeńnie samaacenki našych suhramadzian na fonie toj źniešniaj palityki, jakuju realizuje Rasija, — adznačyła sacyjołah. — Jość adčuvańnie, što my mocnyja, možam realizoŭvać toje, što my ličym pravilnym».
Inšaj pryčynaj pavieličeńnia indeksaŭ źjaŭlajecca «faktar paraŭnańnia — z toj ža Ukrainaj, dzie adbyvajucca vajennyja dziejańni».
Na rost pazityŭnych acenak rasiejskaj situacyi pracuje taksama i toje, što «pakul nie spraŭdžvajucca niehatyŭnyja scenary, jakimi pałochali rasiejcaŭ». Jany, naprykład, nie adčuvajuć paharšeńnia situacyi ŭ ekanomicy z-za sankcyj. Da hetaha času niama daŭno «abiacanaj» novaj chvali kryzisu.
Apošnija dadzienyja daśledavańnia atrymanyja ŭ chodzie apytańnia 13-14 vieraśnia. Apytanyja 1,6 tys. čałaviek u 42 subjektach RF. Statystyčnaja chibnaść nie pieravyšaje 3,4%.
Ivan Prus raskazaŭ, jak nažyŭsia na $200, pasialiŭšy kinazorku ŭ zaniadbanaj kvatery kala śmietnika ŭ Šabanach, abstaŭlenaj rečami ź jaho internata1616
Ivan Prus raskazaŭ, jak nažyŭsia na $200, pasialiŭšy kinazorku ŭ zaniadbanaj kvatery kala śmietnika ŭ Šabanach, abstaŭlenaj rečami ź jaho internata16
Topavy pierakładčyk pajechaŭ u Biełaruś mianiać pašpart — i sieŭ za danaty. «KDB pahladzieŭ na sumu i vyrašyŭ, što nichto ŭ zdarovym rozumie nie moža vydatkavać stolki ŭłasnych hrošaj»1313
Kamientary