Сацыёлагі лічаць, што гэта шмат у чым звязана з далучэннем Крыма.
Расейцы сёння, як ніколі за апошнія гады, пазітыўна ацэньваюць сітуацыю ў краіне і ў сваім найбліжэйшым асяроддзі. Пра гэта сведчыць апублікаванае ў чацвер даследаванне Усерасійскага цэнтра вывучэння грамадскай думкі (УЦДГМ).
Доля тых, хто дае пазітыўныя ацэнкі сітуацыі, якая склалася ў краіне, сумарна складае 83%, а негатыўныя ацэнкі — толькі 15%.
У пачатку 2014 гэтыя лічбы складалі 71% і 23% адпаведна. У 2010 годзе станоўчыя ацэнкі давалі 62% рэспандэнтаў, а адмоўныя — 31%.
Паляпшаецца таксама ацэнка расейцамі становішча ў сваім рэгіёне, горадзе, сям'і і ацэнка асабістай сітуацыі. Індэксы, якія адлюстроўваюць гэта, дасягнулі самых высокіх значэнняў з пачатку такіх даследаванняў пяць гадоў таму.
«Рост індэксаў ідзе з пачатку года вялікімі тэмпамі», — адзначыла кіраўнік праектаў УЦДГМ Юлія Баскакава. «Прырода гэтага перш за ўсё звязана з падзеямі ў Крыме», — лічыць яна.
«У росце індэксаў праяўляецца павышэнне самаацэнкі нашых суграмадзян на фоне той знешняй палітыкі, якую рэалізуе Расія, — адзначыла сацыёлаг. — Ёсць адчуванне, што мы моцныя, можам рэалізоўваць тое, што мы лічым правільным».
Іншай прычынай павелічэння індэксаў з'яўляецца «фактар параўнання — з той жа Украінай, дзе адбываюцца ваенныя дзеянні».
На рост пазітыўных ацэнак расейскай сітуацыі працуе таксама і тое, што «пакуль не спраўджваюцца негатыўныя сцэнары, якімі палохалі расейцаў». Яны, напрыклад, не адчуваюць пагаршэння сітуацыі ў эканоміцы з-за санкцый. Да гэтага часу няма даўно «абяцанай» новай хвалі крызісу.
Апошнія дадзеныя даследавання атрыманыя ў ходзе апытання 13-14 верасня. Апытаныя 1,6 тыс. чалавек у 42 суб'ектах РФ. Статыстычная хібнасць не перавышае 3,4%.
Цяпер чытаюць
Тамара Віннікава прадала свой лонданскі дом, завешаны карцінамі самой сябе ШМАТ ФОТА18
Каментары