Z-za pažaru ŭ internacie ahrarna-ekanamičnaha kaledža ŭ Homieli było evakuiravana bolš za 100 čałaviek, paviedamili ŭ Homielskim abłasnym upraŭleńni MNS.
Pažar byŭ vyjaŭleny 26 vieraśnia ŭ 8.38 sistemaj aŭtamatyčnaj pažarnaj sihnalizacyi i pieradačy apaviaščeńnia ab nadzvyčajnych situacyjach «Małanka». U 8.39 u centr apieratyŭnaha kiravańnia ad vachciora internata pastupiła paviedamleńnie ab zadymleńni ŭ pakoi na čaćviortym paviersie. Da prybyćcia padraździaleńniaŭ MNS administracyjaj abjekta evakuiravanyja 102 čałavieki.
Paśla prybyćcia da miesca ŭstanoŭlena, što z akna, raźmieščanaha na čaćviortym paviersie piacipaviarchovaha adnapadjeznaha budynka internata, idzie husty čorny dym.
Ahniom paškodžana majomaść u niežyłym pakoi płoščaj 12 kvadratnych mietraŭ, jaki vykarystoŭvaŭsia jak skład, zakurany ścieny. Z pakojaŭ na piatym paviersie byli evakuiravanyja 13 čałaviek, adzin ź jakich — z vykarystańniem maski. Paciarpiełych niama.
Pryčyna pažaru i materyjalny ŭron vyśviatlajucca. Pažar łakalizavany ŭ 8.51, likvidavany — u 8.57.
Ciapier čytajuć
Pra Miełkaziorava ŭ jaho apošni dzień: «Było adčuvańnie, što jon stomleny, brakuje enierhii, rysy tvaru byli zapałyja»5
Kamientary