Biełaruski transpartny tydzień projdzie z 7 pa 9 kastryčnika ŭ Minsku

Z 7 pa 9 kastryčnika ŭ Minsku projdzie Biełaruski transpartny tydzień.

Forum uklučaje VIII Mižnarodnuju śpiecyjalizavanuju vystavu «Transpart i łahistyka — 2014», III Mižnarodnuju śpiecyjalizavanuju vystavu «Łahistyčny inžynirynh — 2014», VIII Biełaruski transpartna-łahistyčny kanhres, a taksama šerah mižnarodnych mierapryjemstvaŭ, sieminaraŭ, kanfierencyj i kruhłych stałoŭ. 

Jak paviedamiła pres-sakratar Ministerstva transpartu i kamunikacyj Alena Sałanienka, Biełaruski transpartny tydzień źbiare kiraŭnikoŭ i delehacyi profilnych viedamstvaŭ usich krain — susiedziaŭ Biełarusi. Ź ich udziełam projduć pasiadžeńnie Savieta dziaržaŭnych administracyj marskoha i račnoha transpartu krain SND, jubilejnaje XXXV pasiadžeńnie Mižuradavaha savieta darožnikaŭ SND, mižnarodnaja kanfierencyja «Situacyja i pierśpiektyvy litoŭska-biełaruskaha supracoŭnictva ŭ śfiery transpartu i łahistyki», kruhły stoł «Pierśpiektyvy i barjery raźvićcia transpartna-łahistyčnaha supracoŭnictva pamiž Biełaruśsiu i Polščaj», kruhły stoł «Biełaruska-łatvijskaje ŭzajemadziejańnie ŭ śfiery transpartnaj łahistyki».

Na sieminarach, kruhłych stołach i kanfierencyjach buduć pradstaŭleny pierśpiektyvy raźvićcia transpartnaj infrastruktury Minska, razhledžany pytańni ekałohii i enierhaefiektyŭnaści na transparcie, raźvićcio čyhunačnych hruzavych pieravozak na jeŭra-azijackim rynku transpartnych pasłuh u 2015 hodzie, udaskanaleńnie struktury avijapieravozak i transpartnaha absłuhoŭvańnia ŭ nacyjanalnym aeraporcie Minsk. U miežach Biełaruskaha transpartnaha tydnia projdzie II Mižnarodnaja navukova-praktyčnaja kanfierencyja «Hramadski transpart — asnova haradskoj (rehijanalnaj) mabilnaści. Miery pa pavyšeńni jakaści pasažyrskich pieravozak», kruhły stoł «Indeks efiektyŭnaści łahistyki Suśvietnaha banka — 2014. Miery pa pavyšeńni rejtynhu Respubliki Biełaruś», a taksama navukova-praktyčny sieminar «IT u transparcie i łahistycy. Hieainfarmacyjnyja i navihacyjnyja technałohii».

Jašče adnym mierapryjemstvam Biełaruskaha transpartnaha tydnia budzie VIII Biełaruski transpartna-łahistyčny kanhres, udzielniki jakoha abmiarkujuć prablemy i pierśpiektyvy raźvićcia haliny. 

Padčas plenarnaj dyskusii kiraŭniki Ministerstva transpartu i kamunikacyj, Ministerstva handlu, Dziaržaŭnaha mytnaha kamiteta, Biełaruskaj čyhunki, profilnych asacyjacyj i zamiežnyja ekśpierty abmiarkujuć asnoŭnyja kirunki pavyšeńnia kankurentazdolnaści i inviestycyjnaj pryciahalnaści biełaruskaj transpartna-łahistyčnaj sistemy.

Udzielniki śpiecyjalizavanych vystaŭ «Transpart i łahistyka», «Łahistyčny inžynirynh» prademanstrujuć usie vidy sučasnych transpartnych sistem i abstalavańnia dla ich, technałohii i techniku dla prajektavańnia, budaŭnictva, ramontu i absłuhoŭvańnia roznych vidaŭ transpartnych kamunikacyj, pasłuhi pa pieravozcy hruzaŭ i pasažyraŭ, sistemy kiravańnia zapasami, a taksama infarmacyjnyja i absłuhoŭvajučyja sistemy dla transpartu i łahistyki. U vystavach voźmuć udzieł bolš jak 100 kampanij z 11 krain (Aŭstryja, Biełaruś, Bielhija, Hiermanija, Iran, Kazachstan, Łatvija, Litva, Małdova, Polšča, Rasija).

• 0
• 0
• 0
• 0
• 0
• 0
• 0
• 0