Minskija ŭłady razhladajuć pytańnie likvidacyi ŽESaŭ ź pieradačaj ich funkcyj ŽREA, paviedamiŭ načalnik upraŭleńnia žyllovaj haspadarki Ministerstva žyllova-kamunalnaj haspadarki Andrej Ramaška na pres-kanfierencyi ŭ Minsku.
«Z ekanamičnaha punktu hledžańnia heta, mahčyma, abhruntavana, – skazaŭ Ramaška. – Adnak ŽESy źjaŭlajucca ekspłuatujučymi budynki arhanizacyjami na padstavie dahavora z ułaśnikami žylla, a ŽREA –– kirujučymi. Takim čynam, pry likvidacyi ŽESaŭ budzie nieabchodna vyrašyć prablemu miechanizmu ŭzajemadziejańnia, sumiaščeńnia kirujučaj i ekspłuatujučaj funkcyi ŭ ŽREA».
Pavodle słoŭ pradstaŭnika Ministerstva ŽKH, takoje sumiaščeńnie, «chutčej za ŭsio, mahčymaje».
Ramaška padkreśliŭ, što Minžyłkamhas vystupaje za palapšeńnie jakaści i ekanamičnaj efiektyŭnaści kiravańnia i ekspłuatacyi žyllovaha fondu. A likvidacyja ŽESaŭ «pryviadzie da ekanamičnaha vyniku, źnižeńnia sabiekoštu techničnaha absłuhoŭvańnia». Minimizacyja zatrat na techničnaje absłuhoŭvańnie źjaŭlajecca adnym z asnoŭnych pytańniaŭ aptymizacyi sistemy ŽKH, padkreśliŭ Ramaška.
Siarod mier, nakiravanych na minimizacyju zatrat, jon nazvaŭ absłuhoŭvańnie žyllovaha fondu śpiecyjalistami pa kompleksnym absłuhoŭvańni i ekspłuatacyi šmatkvaternych žyłych damoŭ — chaŭs-majstrami. Da kanca hoda, pavodle źviestak Minžyłkamhasa, płanujecca davieści absłuhoŭvańnie nie mienš za 50% žyłych damoŭ u abłasnych haradach i 80% u Minsku śpiecyjalistami pa kompleksnym absłuhoŭvańni šmatkvaternych žyłych damoŭ. Taksama płanujecca pierahledzieć pieralik rabot, jakija ŭvachodziać u techničnaje absłuhoŭvańnie, i pieryjadyčnaść ich vykanańnia.
Kamientary