Prychilniki tak zvanaj «Svabodnaj Siryjskaj Armii», jakaja vajuje suprać siłaŭ prezidenta krainy Bašara Asada, niečakana dla siabie zaniali na poŭdzień ad Damaska sumiesny siryjska-rasijski vajskovy abjekt, paviedamiŭ sajt dailybeast.com.
Simvolika zachoplenaj bazy. U pravym nižnim kutu - simvał rasiejskaj elektronaj vyviedki.
Baza znachodziłasia blizka da stratehična važnych Hałanskich vysotaŭ - to bok da miažy ź Izrailem. Bajaviki ličać, što abjekt vieŭ elektronnuju vyviedku jak suprać antyasadaŭskich siłaŭ, hetak i suprać Izrailu.
Amierykanskija vajskovyja krynicy ličać, što rasijcy nieabaviazkova kantralavali bazu, ale mahli znachodzicca tam jak daradcy i śpiecyjalisty.
«Svabodnaja Siryjskaja Armija» — farmavańnie, jakoje skłałasia z aficeraŭ i žaŭnieraŭ, jakija dezertavali z aficyjnaha siryjskaha vojska paśla pačatku hramadzianskaj vajny ŭ krainie, zajaviŭšy, što nie buduć vajavać suprać svajho naroda. Arhanizacyja viadzie vajnu adnačasova z režymam Bašara Asada i ź isłamistami «Isłamskaj dziaržavy».
Rasija šmat hod źjaŭlajecca hałoŭnym dypłamatyčnym i vajskovym chaŭruśnikam Siryi. Adzinaja rasijskaja vajskova-marskaja baza ŭ Mižziemnym mory znachodzicca ŭ siryjskim horadzie Tartus.
Ad pryvatnikaŭ patrabujuć zavieści ideołaha ŭ štacie — raspytali, što robiać kampanii18
Kamientary