Žychar Salihorska asudžany pa davoli redkim u Biełarusi składzie złačynstva — niezakonnaje pazbaŭleńnie voli čałavieka (art. 183 KK). Kryminalny pieraśled jon źviedaŭ dziakujučy pazicyi prakurora Lubanskaha rajona, bo supracoŭniki miascovaj milicyi i Śledčaha kamiteta nie ŭbačyli ŭ dziejańniach mužčyny składu złačynstva.
Jak paviedamiŭ prakuror adździeła pa nahladzie za daznańniem prakuratury Minskaj vobłaści Maksim Ahiejenka, 34-hadovy ŭradženiec Lubanskaha rajona, žychar Salihorska, asudžany za toje, što nieadnarazova nasupierak voli svajoj znajomaj siłkom źmiaščaŭ jaje ŭ bahažnik i sałon svajoj aŭtamašyny, paśla čaho pieramiaščaŭsia na aŭto pa svaim mierkavańni, pazbaŭlajučy dziaŭčynu voli. Fihuranty spravy sustrakalisia z 2010 hoda.
Prakuror Lubanskaha rajona, vykarystoŭvajučy dadzienyja zakonam paŭnamoctvy, raspačaŭ u dačynieńni da mužčyny kryminalnuju spravu, pa jakoj im asabista było praviedzienaje papiaredniaje rasśledavańnie.
Ustanoŭlena, što mužčyna ŭ žniŭni 2012 hoda z-za reŭnaści, pieraadolvajučy supraciŭleńnie 23-hadovaj studentki minskaha VNU, ciapier žycharki Lubani, z prymianieńniem siły źmiaściŭ dziaŭčynu ŭ bahažnik svajoj aŭtamašyny, paśla čaho jeździŭ pa terytoryi Lubanskaha rajona. Druhi vypadak adbyŭsia ŭ krasaviku 2013 hoda, kali paśla admovy dziaŭčyny sieści ŭ mašynu dla hutarki mužčyna taksama z vykarystańniem siły, nasupierak jaje voli, zašturchnuŭ jaje ŭ sałon svajho aŭtamabila, začyniŭ znutry i pajechaŭ, pazbaviŭšy paciarpiełuju mahčymaści biaśpiečna pakinuć mašynu.
U sudovym pasiadžeńni abvinavačany svaju vinu nie pryznaŭ, rastłumačyŭšy, što abychodziŭsia tak ź dziaŭčynaj, žadajučy vyśvietlić adnosiny. Taki arhumient sudom nie byŭ uziaty pad uvahu jak uvažlivy, i mužčyna byŭ pryznany vinavatym va ŭčynieńni złačynstva, praduhledžanaha č. 1 art. 183 KK. Jon pryhavorany da dvuch hadoŭ pazbaŭleńnia voli z adbyvańniem pakarańnia ŭ papraŭčaj kałonii va ŭmovach ahulnaha režymu.
Nie pahadziŭšysia z pryhavoram, abvinavačany jaho abskardziŭ. Adnak sud kasacyjnaj instancyi pryhavor pakinuŭ bieź źmieny.
Ciapier čytajuć
Koŭł Łukašenku: Tabie treba być bolš aściarožnym, za stałom kiepskich pacanoŭ zastaŭsia adzin ty27
Koŭł Łukašenku: Tabie treba być bolš aściarožnym, za stałom kiepskich pacanoŭ zastaŭsia adzin ty
Časam niečakanaja historyja biełaruskich himnaŭ: «My vyjdziem ščylnymi radami», «Pahonia», «Žyvie Biełaruś», «Radzima maja darahaja», «Mahutny Boža» (ź VIDEA)77
Kamientary