Abšukali dačy i damy svajakoŭ členaŭ AHP Zinaidy Šumilinaj i Leanida Sudalenki.
Nahadajem, siońnia supracoŭniki ŭpraŭleńnia KDB pa Homielskaj vobłaści praviali vobysk u homielskim ofisie AHP, padčas jakoha byli kanfiskavany infarmacyjnyja materyjały, u pryvatnaści biuleteni «Svoboda» i kampakt‑dyski.
Jak paviedamiŭ BiełaPAN rehijanalny kaardynatar ruchu «Za Svabodu», namieśnik staršyni Homielskaj abłasnoj arhanizacyi AHP Uładzimir Kacora, supracoŭniki śpiecsłužb pravodziać vobyski ŭ kvaterach svajakoŭ členaŭ AHP Zinaidy Šumilinaj i Leanida Sudalenki.
Sam U.Kacora znachodzicca siońnia ŭ Minsku. Jon paviedamiŭ, što supracoŭniki KDB taksama pradjavili jaho žoncy order na vobysk pryvatnaha doma ŭ vioscy Šarpiłaŭka, u jakim žyvie ciešča partyjnaha lidera.
«Chutčej za ŭsio, ciapier u domie majoj svajački prachodzić vobysk, chacia sama jana znachodzicca ŭ Homieli. Taksama supracoŭniki śpiecsłužb pradjavili order na vobysk Zinaidzie Šumilinaj, pryčym abšukać jany vyrašyli jaje daču ŭ vioscy Čkałava. Taksama vobysk prachodzić u domie cieščy Leanida Sudalenki, jakaja žyvie ŭ vioscy Babovičy», — raskazaŭ U.Kacora.
Palityk vykazaŭ nieŭrazumieńnie ŭ suviazi ź dziejańniami supracoŭnikaŭ śpiecsłužb: «Što možna šukać na dačach i ŭ žyłych damach našych svajakoŭ — ja nie razumieju. Heta vyšej za łohiku i čałaviečy rozum», — skazaŭ U.Kacora.
Anžalika Mielnikava paśla źniknieńnia nabyła dźvie kvatery ŭ Minsku90
Anžalika Mielnikava paśla źniknieńnia nabyła dźvie kvatery ŭ Minsku
«Ź piaci varyjantaŭ try kvatery zdavalisia tolki hramadzianam Biełarusi». Rasijanie pierajechali ŭ Homiel paśla ataki USU na Bransk — što ich dzivić?2323
Kamientary