Padčas apieratyŭnych mierapryjemstvaŭ, nakiravanych na vyjaŭleńnie kišeńnikaŭ, jakija pracujuć u staličnaj padziemcy, pravaachoŭniki zatrymali dvuch maładych ludziej.
Pra heta paviedamiła pres-aficer UUS pa achovie Minskaha mietrapalitena Kaciaryna Viaršyckaja.
«Uvahu apieratyŭnikaŭ pryciahnuli ŭžo znajomyja pa śpieculikach dvoje mužčyn, jakija pierajazdžali ad stancyi da stancyi ŭ roznych napramkach. Pravaachoŭniki vyrašyli za imi panazirać. I vynik nie prymusiŭ siabie doŭha čakać — 35-hadovy złamyśnik padčas ruchu ciahnika ad stancyi mietro «Płošča Pieramohi» da stancyi «Kastryčnickaja» ździejśniŭ kradziež kašalka ŭ pasažyrki. Vychodzili ź mietro kišeńniki na stancyi «Hrušaŭka», pry hetym kašalok ŭžo apynuŭsia ŭ małodšaha z partnioraŭ. Toj nieadkładna byŭ zatrymany. Jaho 35-hadovy kaleha sprabavaŭ schavacca, ale biespaśpiachova», — skazała Kaciaryna Viaršyckaja.
Niepracujučyja mužčyny raniej byli nieadnarazova sudzimyja za kišennyja kradziažy. U ciapierašni čas dziejańniam złamyśnikaŭ dajecca pravavaja acenka.
Kamientary