U Viarchoŭnym sudzie skončylisia słuchańni pa skarzie arhkamiteta abjadnańnia Ruch za Svabodu. Nie na karyść hramadzianaŭ. "Ruchaŭcy" buduć padavać dakumenty na rehistracyju znoŭ.
Sud staŭ na bok Miniustu, pazicyja jakoha palahaje ŭ tym, što zasnavalniki ruchu musili pytacca dazvołu na praviadzieńnie ŭstanoŭčaha schodu ŭ miascovych uładaŭ. Pradstaŭniki arhkamiteta z dovadami Miniusta niazhodnyja. Da taho ž, jany źviarnuli ŭvahu suda, što Miniust pry razhladzie zajavy ab rehistracyi hramadskaha abjadnańnia parušaŭ zakanadaŭstva. Z boku ministerstva była sproba viarnuć dakumienty, padadzienyja na rehistracyju biez razhladu, a taksama adkaz na zajavu byŭ dadzieny sa spaźnieńniem, kažuć u ruchu «Za Svabodu».
Tut taksama adznačyli takuju cikavuju akaličnaść, što praces vioŭsia pa‑biełarusku.
I, pa słovach adnaho z kiraŭnikoŭ ruchu Jurasia Hubareviča, pradstaŭnik Miniustu paabiacaŭ u sudzie, što jon abaviazkova budzie zarehistravany. Praŭda, pavodle čynoŭnika, heta adbudziecca, kali zasnavalniki vykanajuć usie patrabavańni zakanadaŭstva. Ale mienavita jakija patrabavańni musiać być vykanany, jon nie patłumačyŭ.
Hubarevič paviedamiŭ, što dakumienty na rehistracyju ŭ Miniust buduć padavacca «ruchaŭcami» znoŭ.
Siłaviki śćviardžajuć, što zatrymali dvuch mužčyn za hałasavańnie na vybarach u KR. Ale ci možna hetamu vieryć?15
Kamientary