Pavodle papiarednich dadzienych, bolš za 80% katałoncaŭ, jakija pryniali ŭdzieł u niefarmalnym apytańni, vykazalisia za niezaležnaść pravincyi ad Ispanii. Praŭda, apytańnie nie mieła jurydyčnaj siły, bo centralnyja ŭłady Ispanii zabaranili jaho.
U simvaličnym hałasavańni pryniali ŭdzieł bolš za 2,25 miljona katałoncaŭ z 5,4 miljona, jakija majuć prava hołasu.
Lidar Katałonii Artur Mas nazvaŭ minuły ŭ niadzielu simvaličny refierendum poŭnym pośpiecham.
U svaju čarhu ŭłady Ispanii, jakija vystupali suprać praviadzieńnia niefarmalnaha apytańnia, nazvali hałasavańnie biaspłodnym i bieskarysnym.
Žycharoŭ aŭtanomnaj pravincyi spytali, ci žadajuć jany bačyć Katałoniju niezaležnaj dziaržavaj. Arhanizacyja hałasavańnia całkam lahła na plečy kala 40 tysiač vałancioraŭ.
Katałonija źbirałasia pravodzić sapraŭdny refierendum, ale admoviłasia ad hetaj zadumy, bo kanstytucyjny sud Ispanii paśla zvarotu ispanskaha ŭrada zabłakavaŭ na piać miesiacaŭ dziejańnie dekreta ab praviadzieńni refierendumu.
Katałoncy składajuć prykładna 16% nasielnictva Ispanii, u ich svaja mova i svaja kultura. Ideja niezaležnaści nabyła papularnaść siarod 7,5 młn katałoncaŭ na fonie ekanamičnaha kryzisu ŭ Ispanii.
Kamientary