Łukašenka: Imknieńni na Hrodzienskuju vobłaść u asobnych dziaržaŭ zanadta praźmiernyja
Dać infarmacyju ab situacyi ŭ Hrodzienskaj vobłaści paprasiŭ Alaksandr Łukašenka staršyniu KDB Valeryja Vakulčyka, prymajučy jaho z dakładam 13 listapada.
«Mianie jana nie prosta naściarožvaje, a ja pamiataju, što było raniej. Tam ža byŭ adziny vypadak u krainie, kali zastrelili hubiernatara. I zrazumieła, jakija heta byli prajavy. Dy i viedaju, što imknieńni na Hrodzienskuju vobłaść u asobnych dziaržaŭ zanadta praźmiernyja»,
— adznačyŭ kiraŭnik dziaržavy.
Łukašenka taksama źviarnuŭ uvahu na pracu Kamiteta dziaržbiaśpieki pa papiaredžańni pravaparušeńniaŭ, najpierš karupcyjnych.
«Tak, jość niekatoryja materyjały, vielmi surjoznyja. Pa mnohich vašych materyjałach my spynili dziejnaść asobnych sprytniuh jak u śfiery biźniesu, tak i ŭ dziaržaŭnych orhanach ułady. Ale, analizujučy hety praces, liču, što hetaja praca niedastatkovaja».
Łukašenka adznačyŭ, što jaho chvaluje niedastatkovaść pracy prakuratury ŭ hetym kirunku. «Ale ŭ vas jość śpiecyjalnyja mietady, usio roŭna prakuratura biez vas nie abydziecca, navat dziejničajučy pa svaich kirunkach».
Kiraŭnik dziaržavy aryjentavaŭ terytaryjalnyja orhany KDB na analiz sacyjalna-palityčnaj, ekanamičnaj abstanoŭki ŭ rehijonach, dajučy kompleksnuju infarmacyju. «Ja chaču viedać vašu pazicyju, vaš punkt hledžańnia, jon pavinien być niepraduziatym i absalutna abjektyŭnym, tym bolš što vy hłybiej možacie pahladzieć na niejkija pryčynna-vynikovyja suviazi».
Kamientary