Žychary Bresta 17 listapad mahli na svaje vočy ŭbačyć virtuoznuju pracu vydatnaha francuzskaha piekara Mišela Hałaje. 15 listapada francuz vystupiŭ u Viciebsku, 16-ha pakazvaŭ, jak pravilna rabić francuzskuju vypiečku, u stalicy.
Sieryja majstar-kłasaŭ prachodzić u kramach handlovaj sietki «Jeŭraopt» u ramkach markietynhavaj kampanii pa zavajavańni łajalnaści novych spažyŭcoŭ.
«Jeŭraopt» imkniecca pamianiać ŭžo sfarmavanaje ŭjaŭleńnie biełarusaŭ ab svaich kramach jak miesca, dzie atavarvajucca ludzi ź nizkim uzroŭniem dachodaŭ.
Novy prajekt «Francuzskaja vypiečka ad Mišela Hałaje» — zaklik da kupcoŭ usprymać «Jeŭraopt» pa-inšamu. U vieraśni piekary «Jeŭraopta» prajšli śpiecyjalnaje navučańnie ŭ Francyi.
Francuzskaja vypiečka rychtujecca pa «doŭhaj» mietadałohii: biez paskaralnikaŭ i sumiesiaŭ. Na pryhatavańnie partyi vypiečki pry takich umovach tracicca da piaci hadzin.
Vielmi charakterna, što ŭ kancy leta «Jeŭraopt» pieršym siarod bujnych praduktovych rytejleraŭ adkryŭ internet-kramu. Źjaŭleńnie ŭ Mahilovie, Minsku i Słonimie handlova-zabaŭlalnych kompleksaŭ «Je-sici» padkreślivaje novyja padychody ŭładalnikaŭ da svajho farmata handlu i brenda.
Ciapier čytajuć
Žančyny ŭ achovie i braniavany kartež. Jak Ukraina arhanizavała biaśpieku vizitu Cichanoŭskaj u Kijeŭ10
Kamientary