Tema vyłučeńnia adzinaha kandydata faktyčna začyniena
Tema vyłučeńnia adzinaha kandydata ŭ prezidenty ad apazicyi na vybarach 2015 hoda «faktyčna začyniena».
Pra heta BiełaPAN zajaviŭ namieśnik staršyni ruchu «Za Svabodu» Juraś Hubarevič.
1 śniežnia prajšli kansultacyi pradstaŭnikoŭ siami demakratyčnych arhanizacyj:
Biełaruskaj partyi levych «Spraviadlivy śviet», Biełaruskaj sacyjał-demakratyčnaj partyi «Hramada», ruchu «Za Svabodu», Abjadnanaj hramadzianskaj partyi, Partyi BNF, kampanii «Havary praŭdu!», Arhkamiteta pa stvareńni partyi «Biełaruskaja chryścijanskaja demakratyja».
«Pradstaŭniki AHP i «Spraviadlivaha śvietu» paćvierdzili svaje pazicyi ab tym, što jany nie bačać siońnia mahčymaści dla vyłučeńnia adzinaha kandydata», — skazaŭ Hubarevič.
U toj ža čas, adznačyŭ jon, piać arhanizacyj, jakija padpisali pahadnieńnie ab pracedury vyłučeńnia adzinaha kandydata, «pakidajuć dla dźviuch struktur mahčymaść niejkim čynam praciahnuć sumiesny praces».
«Kali jany buduć hatovyja sfarmulavać svaje prapanovy i dałučycca da pracesu vyłučeńnia adzinaha kandydata, my ich razhledzim», - skazaŭ Hubarevič.
-
Na Biełastoččynie prajšoŭ fiestyval biełaruskaj tradycyi Soncahraj FOTY
-
Žonka Alaksandra Milinkieviča raskazała pra jahony stan: pamiać zachavałasia, ale z ruchalnym aparatam vialikija prablemy
-
«Ja ŭ kałonii byŭ bolš volny». Były palitviazień Tamaz Pipija raskazaŭ pra 6 hadoŭ za kratami i novuju paranaidalnuju biełaruskuju realnaść
Kamientary