Paśla ataki BPŁA na naftaschovišča pad Rybinskam prajšoŭ mazutny doždž
Ranicaj 14 červienia ŭ Rybinskim rehijonie Jarasłaŭskaj vobłaści Rasii paśla načnoj ataki bieśpiłotnikaŭ vypaŭ čorny doždž. Naftavaja plonka pakryła pryvatnyja damy, sadovuju meblu, ciaplicy i raśliny ŭ aharodach.
Vypadzieńnie brudnych apadkaŭ zafiksavana ŭ sadovych tavarystvach u rajonie vioski Vołkava, piša 76.ru. Hety nasieleny punkt mieścicca prykładna za 20 kiłamietraŭ ad Rybinska i ŭsiaho za niekalki kiłamietraŭ napramuju ad atakavanaha abjekta.
Miascovyja žychary šakavanyja maštabami zabrudžvańnia.
«Ja ŭ šoku. Pryjechali, a ŭ nas usia dača, naohuł usio ŭ hetym mazucie. Usie raśliny, usio. «Doždž» prajšoŭ», — raspaviała žurnalistam miascovaja dačnica.
Miarkujučy z kadraŭ, jakija publikujuć u sacyjalnych sietkach, ščylnaja čornaja plonka pakryła liście dreŭ i kustoŭ, chatnich žyvioł, sadovyja pabudovy.
«My zusim nie viedajem, što rabić. Heta hady pracy, dziasiatki tysiač rubloŭ, stolki dohladu za sadam», — skardziacca paciarpiełyja rasijanie.
Ekałahičnaje nadzvyčajnaje zdareńnie stała vynikam načnoj ataki dronaŭ. Mahutny pažar uspychnuŭ na kambinacie «Temp» — schovišču naftapraduktaŭ Dziaržreziervu RF, dzie zachoŭvalisia vialikija abjomy paliva.
Vyhladaje, što padčas vybuchu i pažaru vielizarnaja kolkaść praduktaŭ hareńnia i čaścic naftapraduktaŭ była vykinuta ŭ atmaśfieru, a paśla vypała na susiednija vioski razam z apadkami.
Naftavyja daždžy ŭ krasaviku išli ŭ Tuapse paśla ŭdaraŭ pa naftabazie.
Ciapier čytajuć
Łukašenka: Pry ciapierašnim ciačeńni vajny Biełaruś z Rasijaj nie zmahli b abaranić biełaruskaj miažy ad Ukrainy20
Łukašenka: Pry ciapierašnim ciačeńni vajny Biełaruś z Rasijaj nie zmahli b abaranić biełaruskaj miažy ad Ukrainy
«70% mastakoŭ u čornych śpisach». Mastak Siarhiej Hrynievič paśla tryumfu ŭ Vieniecyi raskazaŭ pra hady maŭčańnia i pra toje, na jakim śviecie jon apynuŭsia1515
Kamientary