Supracoŭniki staličnaj palikliniki paskardzilisia ŭ «Našu Nivu» na zatrymku zarobku
U redakcyju «Našaj Nivy» sa svajoj prablemaj źviarnułasia čytačka. Žančyna pracuje ŭ minskaj paliklinicy №15, jakaja absłuhoŭvaje tralejbusny park №3 i aŭtobusny park №5.
Pa słovach čytački, paliklinika nie moža vypłacić svaim supracoŭnikam zarobak, bo transpartniki jašče nie pieraličyli joj hrošy.
«Zarobak mieŭsia być jašče ŭ piatnicu, ale my ničoha nie atrymali, — paviedamiła supracoŭnica palikliniki. — I nieviadoma, ci budzie niešta siońnia. A jak ludziam žyć? U mianie, naprykład, kredyt, jaki treba pahašać. Ale za jakija hrošy?»
U svaju čarhu buchhałtary aŭtobusnaha i tralejbusnaha parkaŭ supakoili, što hrošy buduć. I «tralejbuśniki», i «aŭtobuśniki» peŭnyja sumy lekaram pieraličyli. Ale nie ŭsie.
«Častkova my pieraviali. Bolš ciapier prosta niama. Jak źjaviacca na našych rachunkach jašče — adrazu budziem nakiroŭvać ich u palikliniku», — paviedamiła Volha Bazyleva, hałoŭnaja buchhałtarka aŭtobusnaha parku №5.
Prykładna toje ž samaje adkazali i ŭ tralejbusnym parku. Abodva pradpryjemstvy patłumačyli zatrymku niaprostaj finansavaj situacyjaj.
Ciapier čytajuć
Biełaruska zakazała na Wildberries 34 kupalniki i atrymała chvalu nianaviści ŭ sacsietkach12
Kamientary