Śviežyja vyniki statystyki zamiežnaha handlu.
U studzieni—kastryčniku 2007 hoda Biełaruś ekspartavała 12,4 młn. ton naftapraduktaŭ, paviedamlaje Ministerstva statystyki i analizu.
U paraŭnańni z anałahičnym pieryjadam minułaha hoda heta na 0,1% mienš. Asnoŭnaja dola pastavak prypała na krainy dalokaha zamiežža — 11,9 młn. ton (na 1% bolš). U krainy SND pastaŭlena 0,5 młn. ton (na 20,4% mienš).
Za hety pieryjad impartavana 16,4 młn. ton nafty (na 7,4% mienš).
Za dziesiać miesiacaŭ hetaha hoda za miažu było pastaŭlena 3 młn. 648,5 tys. ton kalijnych uhnajeńniaŭ (na 18,5% bolš), 205,8 tys. ton azotnych uhnajeńniaŭ (na 13,3% bolš), 133 tys. ton chimičnych vałoknaŭ (na 2,7% bolš), 3.590 mietałareznych stankoŭ (na 11,4%), 1 młn. 702,5 tys. ton čornych mietałaŭ (na 4,5% bolš), 69,5 tys. ton mietałakordu (na 0,8% mienš). Taksama było pastaŭlena 2 młn. 873,5 tys. štuk šyn (na 27,6% bolš) i 43,2 młn. kv. m DVP (na 0,2% bolš).
Na 1,4% pavialičylisia pastaŭki chaładzilnikaŭ i marazilnikaŭ (829,3 tys.) i na 4,5% — televizaraŭ i videamanitoraŭ (315,3 tys.).
Impart pryrodnaha hazu za dziesiać miesiacaŭ źniziŭsia na 2% i skłaŭ 16,3 młrd. kub. m, kamiennaha vuhlu — na 19,2% (59,4 tys. ton), elektraenierhii — na 19,1% (3 młrd. 765,7 młn. kVt•hadz).
Impart čornych mietałaŭ pavialičyŭsia na 3,3% i skłaŭ 2 młn. 717,9 tys. ton, hruzavych aŭtamabilaŭ — na 11,6% (10.073), lehkavych aŭtamabilaŭ — na 19,5% (152,6 tys.).
«Zasiarodžusia na pracy z ZŠA». Cichanoŭski raskazaŭ pra svaje palityčnyja płany na 2026 hod32
Kamientary