Prafiesijnaja buchhałtarskaja supolnaść, u jakuju ŭvachodziać mižnarodnyja aŭdytarskija kampanii, pradstaŭlenyja ŭ Biełarusi, pryniała rašeńnie ab spynieńni prymianieńnia ŭ Biełarusi z 2015 hoda 29-ha standartu MSFS «Finansavaja spravazdačnaść va ŭmovach hipierinflacyi».
Jak rastłumačyli u minskim ofisie Deloitte, rašeńnie ab skasavańni 29-ha standartu pryniataje aŭdytarskimi kampanijami «Vialikaj čaćviorki» (Deloitte, Ernst&Young, PricewaterhouseCoopers, KPMG), jakija pracujuć u Biełarusi, paśla kansultacyj z ekśpiertami zamiežnych ofisaŭ.
«C 1 studzienia 2015 hoda ekanomika Respubliki Biełaruś pierastaje pryznavacca hipierinflacyjnaj pavodle Mižnarodnych standartaŭ finansavaj spravazdačnaści», — havorycca ŭ pres-relizie minskaha ofisa Deloitte.
Varta adznačyć, što finansavuju spravazdačnaść pa MSFS rychtujuć biełaruskija banki.
Kamientujučy rašeńnie, pryniataje supolnaściu aŭdytarskich kampanij, namieśnik staršyni praŭleńnia Nacbanka Siarhiej Dubkoŭ nahadaŭ žurnalistam 12 śniežnia, što rašeńnie ab prymianieńni 29-ha standartu było pryniataje aŭdytarskimi kampanijami ŭ 2011 hodzie na fonie vysokich tempaŭ inflacyi ŭ Biełarusi.
«Paśla 2009—2011 hadoŭ, kali ŭ našaj krainie adbyŭsia ŭplesk inflacyi, aŭdytarskija kampanii pryniali rašeńnie ab tym, što finansavaja spravazdačnaść kampanij pa MSFS pavinna pieraličvacca z ulikam 29-ha standartu. Hety standart śviedčyć ab tym, što ŭ krainie nazirajecca hipierinflacyja», — kanstatavaŭ Siarhiej Dubkoŭ.
Rašeńnie aŭdytarskich kampanij ab spynieńni dziejańnia 29-ha standartu źjaŭlajecca vynikam mier, pryniatych uradam i Nacyjanalnym bankam, pa źnižeńni ŭzroŭniu inflacyi ŭ krainie, ličyć Siarhiej Dubkoŭ.
«Pryniatyja miery ŭradam i Nacyjanalnym bankam, u tym liku skiravanyja na źnižeńnie ŭzroŭniu inflacyi ŭ apošnija try hady, skaračeńnie dałaryzacyi ekanomiki, dazvolili prafiesijnaj buchhałtarskaj supolnaści acanić zroblenyja zachady», — adznačyŭ Dubkoŭ.
Pavodle jaho mierkavańnia, rašeńnie ab spynieńni prymianieńnia 29-ha standartu źjaŭlajecca stanoŭčym sihnałam dla navakolnaha śvietu.
«Heta rašeńnie źjaŭlajecca stanoŭčym sihnałam dla źniešnich spažyŭcoŭ i śviedčyć ab tym, što Biełaruś zmahła pieraadoleć peŭnyja kryzisnyja źjavy 2009—2011 hadoŭ i maje ŭstojlivuju prahramu raźvićcia na najbližejšy čas», — skazaŭ Dubkoŭ.
Padobnaha punktu hledžańnia prytrymlivajucca śpiecyjalisty biełaruskaha ofisa Deloitte.
Tam adznačyli, što 29-ty standart užyvajecca redka (ŭ 2014 dziejničaŭ tolki ŭ čatyroch krainach śvietu, uklučajučy Biełaruś) i inviestary, u tym liku mižnarodnyja finansavyja arhanizacyi, jakija prysutničajuć na biełaruskim rynku, «adčuvali ciažkaści z karektnaj interpretacyjaj efiektaŭ prymianieńnia standartu na finansavuju spravazdačnaść».
«Heta akaličnaść stvarała dadatkovuju subjektyŭnuju nievyraznaść adnosna finansavaha stanu i vynikaŭ dziejnaści arhanizacyj i nie mahła nie ŭpłyvać admoŭna na acenku ryzykaŭ inviestavańnia i viadzieńnia biźniesu ŭ Biełarusi», — havorycca ŭ pres-relizie minskaha ofisa Deloitte.
Standart 29-ty MSFS ŭvodzicca, kali kumulatyŭny indeks inflacyi ŭ krainie za try apošnija hady nabližajecca da adznaki 100% abo pieravyšaje jaje. U čaćviortym kvartale 2014 hoda sukupny pakazčyk inflacyi za try hady źniziŭsia nižej za 100-pracentny ŭzrovień.
Ciapier čytajuć
«Ludziej prymušali dumać, što ničoha nikoli nie źmienicca». Chto taki antykamunist Łasła Krasnaharkai, jaki atrymaŭ Nobieleŭskuju premiju pa litaratury?99
Kamientary