Adkryłasia padača papiarednich zajavak na damieny.bieł
U Biełarusi zapracavaŭ servis bel.hb.by, na jakim možna padać zajaŭku na rehistracyju kiryličnaha damiena ŭ damiennaj zonie.bieł.
Ab zapusku kiryličnaj damiennaj zony.bieł stała viadoma ŭ kastryčniku. Na siońnia rehistracyja damienaŭ jašče nie adkrytaja, mižnarodnaja arhanizacyja ICANN nie zavieršyła praces delehavańnia novaha damiena.
U damienie dazvolenyja jak litary ruskaj movy, tak i biełaruskija litary. Zarehistravać možna jak «kupił.bieł», tak i «kupiŭ.bieł».
Zaraz damiennaja zona.bieł znachodzicca na «nulavym» etapie. Jak tolki buduć vykananyja ŭsie nieabchodnyja techničnyja dziejańni pa delehavańni damiennaj zony, rehistracyja damienaŭ.BIEŁ budzie adkrytaja. Na dadzienym etapie mahčymaja padača biaspłatnych papiarednich zajavak na rehistracyju damienaŭ.BIEŁ.
Na siońnia padadziena ŭžo paŭtary tysiačy zajavak, płanujecca pryniać blizu 20 tysiač.
Prykładna z 1 lutaha 2015 hoda pačniecca pieršy etap: rehistracyja damienaŭ dla tavarnych znakaŭ i firmiennych najmieńniaŭ, košt rehistracyi dla dziaržaŭnych arhanizacyj składzie 150 tysiač biełaruskich rubloŭ na hod, dla astatnich — 100 dalaraŭ na hod.
Aryjentyrovačna z 1 maja pačniecca druhi etap: rehistracyja premium damienaŭ na dabračynnych aŭkcyjonach. Ad pačatkovych ŭ 300 tysiač rubloŭ košt na aŭkcyjonie budzie raści z krokam u 50 tysiač. Uziać udzieł u aŭkcyjonie zmoža luby achvočy.
Narešcie, prykładna z 1 žniŭnia pačniecca treci etap, adkrytaja rehistracyja. Luby achvočy zmoža zarehistravać damien za 150 tysiač rubloŭ na hod.
Uładalniki damienaŭ «.by» nie majuć pryjarytetu pry rehistracyi «.bieł».
Rehistracyjaj damienaŭ zajmajecca TAA «TryInkam» - aficyjny rehistratar damiennych imionaŭ u zonie.BY i pastaŭščyk pasłuh chostynhu, raspracoŭki i prasoŭvańnia sajtaŭ.
Vyrašać sprečki na pieršym etapie budzie kamisija sa składu Nacyjanalnaha centra intelektualnaj ułasnaści i Biełaruskaj handlova-pramysłovaj pałaty.
Zialenski nazvaŭ, jakija retranślatary na miažy i biełaruskija pradpryjemstvy chvalujuć Ukrainu36
Kamientary