Alimpijski pryzior Maksim Niedasiekaŭ ažaniŭsia druhi raz. Hetym razam z Łalitaj
Paśpiachovy ŭ minułym skakun Maksim Niedasiekaŭ padzialiŭsia šmatlikimi fotazdymkami sa svajho pyšnaha viasiella.
Žonkaj Maksima Niedasiekava stała byłaja himnastka Łalita Mackievič. Letaś jana aficyjna paviedamiła, što sychodzić z prafiesijnaha sportu. Ciapier pracuje piersanalnaj trenierkaj u trenažornaj zale.
Para była razam nie adzin hod. Ale ž historyi ich kachańnia nie brakuje dramatyzmu. Sprava ŭ tym, što alimpijski pryzior Maksim Niedasiekaŭ užo byŭ u šlubie — u 2021 hodzie jon śviatkavaŭ viasielle ŭ staličnym restaranie Astoria Riverside. Tady ŭ biełaj sukiency pobač ź im stajała inšaja lohkaatletka — Darja Batahava.
Pieršaja žonka aktyŭnaha prychilnika dyktatury vystupała za Hrodzienskuju vobłaść i ŭdzielničała adrazu ŭ niekalkich dyscyplinach — skački ŭ daŭžyniu, trajny skačok i bieh na karotkija dystancyi.
«Raniej jana zajmałasia [sportam], pa sporcie i paznajomilisia daŭnym-daŭno. Daŭniaje kachańnie? Budziem kazać tak. Daŭniaje, ale adbyłosia ŭsio heta nie tak užo mocna i daŭno», — tak kamientavaŭ Niedasiekaŭ svajo znajomstva ź niaviestaj pierad viasiellem.
Ale ž ščaście maładzionaŭ było nie doŭhim — užo ŭ 2022 hodzie Maksim pajšoŭ da Łality Mackievič. Himnastka ramana nie chavała i vykładała fota z kvietkami i haračymi pacałunkami.
Svajo druhoje viasielle 28‑hadovy Maksim vyrašyŭ zrabić bolš maštabnym. Vyjaznaja cyrymonija prajšła ŭ ahrasiadzibie «Vałodzina», jakaja znachodzicca za 45 kiłamietraŭ ad Minska.
Pieršy taniec maładziony tančyli pad pieśniu Anžaliki Varum i Leanida Ahucina «Ja budu vsiehda s toboj».
Maksim Niedasiekaŭ vystaviŭ na prodaž mašynu. Śćviardžaje, što choča nabyć nieruchomaść
Skakun Maksim Niedasiekaŭ pra Alimpijadu: Jak biełarusy pajeduć u Paryž? Dzie buduć žyć? I na pratesty nielha zapluščvać vočy
Maksim Niedasiekaŭ raspavioŭ pra śmierć treniera, vajnu, svajo materyjalnaje stanovišča i asabistaje žyćcio
Ciapier čytajuć
Biełaruskuju movu na CT vybiraje ŭsio mienšaja dola vypusknikoŭ škoł. Kali 20 hadoŭ tamu jaje zdavała amal pałova, ciapier — tolki kožny šosty7
Kamientary