Jak paviedamili va ŭpraŭleńni Śledčaha kamiteta pa Viciebskaj vobłaści, 18 studzienia ŭ adzin z bankaŭ abłasnoha centra chłopčyki 8 i 14 hadoŭ prynieśli try 100-dalaravyja kupiury dla abmienu. Supracoŭniki banka zasumniavalisia ŭ ich sapraŭdnaści i vyklikali milicyju.
«Ekśpiertami Viciebskaha mižrajonnaha adździeła Dziaržaŭnaha kamiteta sudovych ekśpiertyz Respubliki Biełaruś u chodzie daśledavańnia troch hrašovych biletaŭ vartaściu 100 dalaraŭ ZŠA ŭstanoŭlena, što dadzienyja kupiury vyrablenyja nie pradpryjemstvam, jakoje vypuskaje hrašovyja bilety i kaštoŭnyja papiery ZŠA. Pradastaŭlenyja na daśledavańni hrašovyja bilety vykanany sposabam hłybokaha druku z fotamiechaničnych drukavanych formaŭ, sieryjnyja numary i druk kaznačejstva vykanany płoskaj afsietnaj piačatkaj», — adznačyli va USK pa Viciebskaj vobłaści.
Chłopčyki patłumačyli, što hrošy im dla abmienu pieradaŭ znajomy maci adnaho ź ich. Pa roznych adrasach, ustanoŭlenych padčas apytańnia dziaciej, śledčyja kanfiskavali 477 kupiur pa 100 dalaraŭ.
Pa padazreńni ŭ padrobcy apieratyŭniki zatrymali 36-hadovaha mužčynu, raniej sudzimaha za handal ludźmi i zbyt narkotykaŭ. Rasśledavańnie praciahvajecca.
Što zapisana aficyjnaj pryčynaj śmierci adzinaha syna Jarmošynaj?9
Kamientary