Były śpikier Anatol Rubinaŭ z žonkaj prahulvajucca ŭ parku Horkaha FOTA
Były śpikier savieta respubliki nacyjanalnaha schodu Anatol Rubinaŭ z žonkaj prahulvajucca ŭ minskim Parku Horkaha.
Doktar fizika-matematyčnych navuk, prafiesar Anatol Rubinaŭ (nar. 15.04.1939) padaŭ u adstaŭku z pasady śpikiera vierchniaj pałaty biełaruskaha parłamienta tydzień tamu, 16 studzienia. Na jaho miesca kiraŭnikom savieta respubliki abrany eks-premjer Michaił Miaśnikovič.
Nahadajem, što Alaksandr Łukašenka, kamientujučy 16 studzienia adstaŭku Rubinava adznačyŭ, što toj matyvavaŭ svoj sychod z pasady śpikiera chvarobaj.
«Jon čałaviek ścipły. Nikoli nie skaža sapraŭdnaj pryčyny. My ź im doŭha abmiarkoŭvali hetyja pytańni. Vy viedajecie, što heta moj vielmi blizki siabar, čałaviek, jaki niamała zrabiŭ dla našaj dziaržavy. Sprava nie ŭ chvarobie. (…) Anatol Mikałajevič, ja absalutna heta viedaju, pieražyvaje za svaju maleńkuju siamju. Jon vyrašyŭ usio-taki, što budzie vielmi važna, kali jon u hety ciažki čas dla hetaj maleńkaj siamji — ja nie budu kazać pra padrabiaznaści — addaść joj bolš času. Heta dastojna čałavieka, ja jaho razumieju», — skazaŭ tydzień tamu ŭ saviecie respubliki Łukašenka.
***
Anatol Rubinaŭ byŭ abrany kiraŭnikom savieta respubliki ŭ mai 2010 h., u 2002—2006 hh. jon byŭ kiraŭnikom Vyšejšaj atestacyjnaj kamisii, u 2006—2008 — pieršym namieśnikam Kiraŭnika Administracyi prezidenta, zatym dva hady (2008—2010) namieśnikam staršyni savieta respubliki.
Kamientary