Biełaruski žurnalist pravioŭ 30 dzion ź biełaruskimi dobraachvotnikami ŭ «Pravym siektary» VIDEA
Hladzieć ad 13.30:
Apošni miesiac kinarežysior-biełarus Anton Cialežnikaŭ pravioŭ dva miesiacy ŭ Danbasie, u tym liku miesiac — na pieradavoj u vioscy Piaski pad Danieckam razam z ukrainskimi i biełaruskimi dobraachvotnikami «Pravaha siektara». Cialežnikaŭ nazyvaje toje, što adbyvajecca na ŭschodzie Ukrainy, poŭnamaštabnaj vajnoj.
«Ja čuŭ pieramovy pa racyi i pierakanany, što tam jość ruskija. Ja čuŭ vyrazny akcent i čuŭ, jak jany karektujuć ahoń. Z ulikam vilhotnaści pavietra, vietru i inšych atmaśfiernych faktaraŭ. A «Pravy siektar» karektavaŭ tak: «Tudy 20 mietraŭ, siudy 50 mietraŭ». Heta prosta adčuvałasia: na tym baku dziejničajuć prafiesijanały», — adznačyŭ dakumientalist.
Piaski, raskazvaje jon, całkam zrujnavanyja.
A što Cialežnikaŭ kaža pra «Pravy siektar»?
«Heta absalutna nie takija ludzi, jak ich apisvaje rasiejskaja prapahanda. Heta roznyja ludzi, časta sialanie, ludzi, niezaanhažavanyja palityčna. Jany ŭbačyli ŭ hetaj arhanizacyi nadzieju na efiektyŭnyja bajavyja dziejańni, bo «Pravy siektar» nie padparadkoŭvajecca ŭładam, adnak dziejničaje razam z Uzbrojenymi siłami Ukrainy. Šmat ludziej idzie ŭ arhanizacyju, vielmi časta dalokich ad nacyjanalistyčnych, a tym bolš ad fašysckich pohladaŭ», — adznačyŭ dakumientalist.
Pavodle jaho słoŭ, jość tam i biełarusy. Jon demanstruje kadry ź Piaskoŭ.
«Dva ściahi na pieradavoj pad Danieckam — ukrainski i biełaruski, heta vielmi simvalična i kaža pra braterstva dvuch narodaŭ. Hałoŭny hieroj majho filma ŭmacavaŭ hety ściah, adznačyŭšy prysutnaść biełarusaŭ na pieradavoj. Hetyja ludzi — časta samavuki, navat mnohija ź ich nie byli ŭ vojsku. Jany vučacca za paru dzion rečam, jakim vučać u armii paŭtara hoda i navat bolš. Jany ŭžo majuć i ciažkaje ŭzbrajeńnie i za niekalki dzion vučacca im karystacca. Ja byŭ śviedkam i pakažu vam heta ŭ filmie»,- - paabiacaŭ Cialežnikaŭ.
Ciapier čytajuć
18‑hadovaha chłopca abvinavacili ŭ admaŭleńni hienacydu biełaruskaha naroda23
18‑hadovaha chłopca abvinavacili ŭ admaŭleńni hienacydu biełaruskaha naroda
«Byŭ hałodny, jak z Aśviencima, nie jeŭ ni miasa, ni harodniny». Što viadoma pra śmierć babrujskaha žurnalista, na jakoha zaviali kryminalnuju spravu ŭ Polščy1111
Kamientary