Prezident Kazachstana Nursułtan Nazarbajeŭ padpisaŭ ukaz ab praviadzieńni daterminovych prezidenckich vybaraŭ 26 krasavika.
«U intaresach naroda, uličvajučy ich prośbu da mianie i volu ŭsieahulnuju i dziela niaŭchilnaha vykanańnia Asnoŭnaha zakona ja pryniaŭ rašeńnie i ŭ adpaviednaści z punktam 31 artykuła 41 kanstytucyi krainy padpisaŭ ukaz ab pryznačeńni na 26 krasavika 2015 hoda pazačarhovych prezidenckich vybaraŭ», — skazaŭ jon, vystupajučy ŭ efiry dziaržaŭnaha telebačańnia.
14 lutaha členy savieta Asamblei naroda Kazachstana zajavili, što va ŭmovach składanaj abstanoŭki ŭ śviecie Nazarbajevu nieabchodna dać novy mandat ahulnanacyjanalnaha davieru.
Čarhovy termin paŭnamoctvaŭ Nazarbajeva, jaki niaźmienna ŭznačalvaje Kazachstan paśla raspadu SSSR, minaje ŭ 2016 hodzie. Pavodle kanstytucyi Kazachstana, adna i taja ž asoba nie moža być abrana prezidentam krainy bolš za dva razy zapar, adnak heta abmiežavańnie nie raspaŭsiudžvajecca na pieršaha kiraŭnika respubliki.
Kanstytucyjny saviet Kazachstana raniej nie znajšoŭ jakich-niebudź pravavych pieraškod dla praviadzieńnia pazačarhovych prezidenckich vybaraŭ.
Pakul što Nazarbajeŭ nie zajaŭlaŭ pra namier vystavić svaju kandydaturu na daterminovych vybarach, ale bolšaść kamientataraŭ ličać heta niepaźbiežnym.
Ciapier čytajuć
U Minsku pamior adzin z samych viadomych zabojcaŭ Rasii. Jon žyŭ pad čužym imieniem i staŭ piśmieńnikam-fantastam5
Kamientary