Prezident Ukrainy Uładzimir Zialenski prakamientavaŭ maštabnuju ataku bieśpiłotnikaŭ na Maskvu i Padmaskoŭje, jakaja adbyłasia ŭ noč na 17 maja. Jon nazvaŭ hetyja ŭdary «dalokabojnymi sankcyjami» i spraviadlivym adkazam na rasijski teror.
Zialenski padkreśliŭ, što načnyja ŭdary źjaŭlajucca zakonnym adkazam Ukrainy na zaciahvańnie vajny Rasijaj i pastajannyja abstreły ŭkrainskich haradoŭ i viosak.
«Całkam spraviadlivyja našy adkazy na rasijskaje zaciahvańnie vajny i ŭdary pa našych haradach i hramadach. Hetym razam ukrainskija dalokabojnyja sankcyi dasiahnuli Maskoŭskaha rehijona, i my vyrazna kažam rasijanam: ich dziaržava pavinna skončyć svaju vajnu», — napisaŭ jon.
Prezident Ukrainy adznačyŭ, što ŭkrainskija drony zmahli pieraadoleć adlehłaść u bolš čym 500 kiłamietraŭ ad dziaržaŭnaj miažy i paśpiachova parazić mety, niahledziačy na toje, što ŭ Maskoŭskim rehijonie razhornuta samaja vialikaja kancentracyja rasijskich sił supraćpavietranaj abarony.
«Ukrainskija vytvorcy dronaŭ i rakiet praciahvajuć svaju pracu. Udziačny SBU i ŭsim Siłam abarony Ukrainy za dakładnaść. Adlehłaść ad dziaržaŭnaj miažy Ukrainy — bolš za 500 km. Kancentracyja rasijskaj SPA ŭ Maskoŭskim rehijonie — samaja vialikaja. Ale pieramahajem», —napisaŭ jon.
-
«Abaniemient na spakojnaje žyćcio anulavany». Kamandujučy Siłami BPŁA Ukrainy prakamientavaŭ nalot na Maskvu i znoŭ pryhraziŭ Łukašenku
-
Vialikaja ataka dronaŭ na Maskvu i vobłaść. Jość achviary, haryć naftanaliŭnaja stancyja ŭ pryharadzie
-
USU: Ukrainska-biełaruskuju miažu pieratvaryli ŭ nieprystupnuju krepaść FOTY
Kamientary
Tiem boleje, čto 85% nasielenija chotiat vojny, žiełajut vojnu, odobriajut i poddierživajut zachvatničieskuju vojnu putina v Ukrainie, chotiat ubivať i hrabiť, no tak, čtoby nie kosnułoś ich i ich domov.