«Pakul čytaješ, zdajecca, i piŭka sierbanuŭ». Novy biłbord da Lidbeer-2026, jaki kryva sabrali mantažniki, staŭ chitom
Kali ty sto razoŭ vyčytvaješ kožnuju litaru dla biłborda, kab nie dapuścić nivodnaj pamyłki, budź hatovy, što na finišy pryjduć mantažniki i skažuć svajo važkaje słova. U takuju kamičnuju situacyju patrapili arhanizatary fiestyvalu Lidbeer.
U aficyjnym akaŭncie «Lidskaha piva» źjaviŭsia post adčaju: «Robim afišy da Lidbeer-2026. Makiet prajšoŭ sotniu ŭzhadnieńniaŭ. 100 razoŭ pravieryli, kab nie było arfahrafičnych pamyłak. Mantažniki biłbordaŭ, u jakich była roŭna adna zadača: «Achaachacha».
Što chacieli skazać nadpisam na biłbordzie «JADNIEAM ROŹNICH», razumieješ nie adrazu.
Kamientatary vybuchnuli žartami, adznačajučy, što adnaho biłborda chapaje, kab atrymać efiekt pradukcyi rekłamadaŭcy.
«Što byvaje, kali načalstva patrabuje namalavać banier dla biłborda, ale spačatku chočacca vypić «Lidskaha».
«Pakul čytaješ, zdajecca, i piŭka sierbanuŭ, i troški paviało!»
Nie abyšłosia i biez zhadak inšych hučnych ajčynnych fejłaŭ: «Zdajecca, heta tyja ž samyja ludzi, jakija rabili pomnik biełaruskaj žančynie».
Niechta ščyra pryznajecca: «Ja nie razumieju, što tam naohuł musiła być napisana».
Šmat chto ŭpeŭnieny, što pamyłku treba terminova patentavać i ŭznaharodzić mantažnikaŭ.
«Pakinuć i nie čapać, heta palec Božy vam spryjaje!»
«Pakidajcie — heta kankretnaja fiška!»
«Pa-mojmu, heta hatovy mierč dla piva typu «Mocnaje».
«Vyhladaje jak novy miem».
«Premiju mantažnikam! Ci markietołaham, kali tak i było zadumana. Moža, jano tak i płanavałasia?»
Kamientary
A nie sortirujtie musor pravilno!